朋友同我讲起最近又多咗间食烧鸡嘅店，于是同朋友约咗个时间就过来试试。第一次过来，大概晚上10点半，店家话所有可以烧嘅都售罄了！于是过咗两晚又过多次来撞运气睇睇。都系晚上10点左右…… 「特色烧鸡」 烧鸡系点完单即烧，皮好薄好脆。最惊喜系鸡髀位同鸡胸肉都腌制入味了。腌制到入味嘅烧鸡真心好食，唔需要靠额外的点料。不过店家系用葱同芫茜ban碎作为香料来腌制鸡的……我觉得OK，都几啱我口味。 「烧猪头骨」 烧果阵系半边猪头骨放入炉到烧嘅，上台果阵，店家会帮你起晒肉先上台。哩个腌制嘅味道就一般般了，主要猪头骨本来就富含骨胶原了，加上腌制的味道偏甜。食无几旧就觉得滞了。不过都同店家提咗意见，店家话会听取意见，酌情来改口味。