綠茶餐廳終於嚟到屯門啦！今日新開張，門口已經排晒長龍，大家都好期待。餐廳以蘇式園林做主題，環境真係靚到不得了，坐低都覺得好舒服。新開張仲有八折優惠，門口有古箏表演，氣氛一流。 ✨️我叫咗黑松露牛肉炒飯，炒飯粒粒分明，牛肉夠嫩，黑松露味道好突出，食落去好香。 ✨️筆墨酥香好有創意，毛筆造型好得意，用朱古力醬做墨水，酥皮入面包住豆蓉，甜度啱啱好，唔會膩。 ✨️麵餅醬香五花肉都好正，五花肉炸到外脆內嫩，用片皮鴨嘅做法，夾埋麵餅一齊食，口感豐富。 ✨️宋雙魚羹味道鮮甜，魚肉滑溜，值得推介。 ✨️茶香奶凍好滑，茶味清香，唔會太甜，食完好清新。 💖聽講menu係米芝蓮星級名廚設計，難怪每道菜都咁有水準。整體嚟講，綠茶餐廳真係值得一試，環境好，食物有驚喜，下次一定會再嚟！