大圍一間親民隱世西日式居酒屋fusion菜（泓。西日料理） 黑松露汁深海池魚刺身🌟🌟🌟🌟🌟 鮟鱇魚肝刺身🌟🌟🌟🌟🌟 炸雞腿肉配自家制醬汁🌟🌟🌟🌟🌟 吞拿魚蓉卷🌟🌟🌟🌟🌟 茄子田樂燒🌟🌟🌟🌟🌟 汁煮牛舌🌟🌟🌟🌟🌟 成日係沙田大圍區搵野食都未嚟過呢間居酒屋，今次過嚟試試，原來居酒屋菜式可以咁特別，因為佢係西日式融合嘅菜式，顛覆咗我對居酒屋嘅食法。 首先講下呢個黑松露汁深海池魚刺身，哇，聽到個菜名就知好特別，首先佢用黑松露汁塗落每片刺身上面，想像下新鮮嘅池魚刺身，配上香濃的黑松露汁，簡直就係奢華享受，每啖都感受到海洋嘅鮮甜同松露的獨特香氣，真係顛覆咗刺身嘅味道。 然後係鮟鱇魚肝刺身，呢個可以話係海鮮界的珍品，鮟鱇魚肝的口感滑嫩，配埋酸酸甜甜嘅沙律醬油，啖啖融化係口入面，加埋小小沙律菜，非常新鮮嘅味道。 再來是炸雞腿肉配自家制醬汁，外皮酥脆，裡面肉質鮮嫩，配上佢哋自家特製的醬汁，真係好好味，香脆嫩勁正。 吞拿魚蓉卷都係一個不容錯過嘅菜式，鮮嫩嘅吞拿魚蓉加上特別整過嘅飯，口感層次分明，既清新又滿足。 接住係茄子田樂燒，呢道菜嘅茄子燒得恰到好處，外焦裡嫩，配上甜甜嘅味噌醬，簡直是絕配，冇諗過燒甜嘅茄子咁好食。 最後係汁煮牛舌，呢個牛舌煮得軟嫩入味，配上濃郁的醬汁，真係可以配多配飯，雖然牛舌切得比較厚身，但廚師煮嘅時間非常恰當，有咬口但又唔會太老又非常入味。所以話呢一間係值得一試嘅居酒屋。