呢輪食得華姐同傳承多都要食吓其他啦(呢兩間買外賣買多兩個牛湯要黎打邊爐簡直係正到爆) 賢記最近唔知係乜野事，啖湯居然冇以前咁咸，當堂正斗左。但都仲未去得到傳承咁好食，仲爭小小，由其係d刀功。但有一樣就真係以後唔會再點既，就係粉腸，現在佢d粉腸又硬又嚡仲要有小小苦味。但個腩伊都算係叫做元朗最好果間啦，七十幾蚊碗堅貴，但都俾以前多左幾舊腩，元朗宵夜之選。 不過今日食埋牛氣沖天就覺得以前既牛氣好食d。網上食在元朗班明燈係咁話佢難食又話佢落雞粉，呢樣我又真係唔敢認同啦。腩係新鮮又好食既，不過係個湯淡左d，但一定係冇落到雞粉既(其實話佢落雞粉果d人應該係完全唔識烹飪既，因為落左雞粉個湯係會變白變濁既，佢咁清，你話佢落味精仲可能有人信)。 今次重開仲係試業中，我就覺得仲未掂，由其係個湯頭。另外今次個伊麵就淥得太過淋，好麻麻。但我會俾多次機會佢既。

这店聽說很久了，終於到來一試。雖然有點少貴，但最欣賞老闆用心製作，堅持每日用新鮮牛腩，堅持新鮮餚牛骨湯，識欣賞的人自然懂分辨，價值高低實在因人而異，低價位的粉麵選擇多的是，牛氣賣的是鮮味，而不是用以價錢比拼。 P.S. 建議堂食，品味一下熱熱的新鮮牛骨湯 支持老闆的堅持[调皮]