廣州丨新疆美味烤饢店 係華林藏住一間充滿異域風情嘅新疆烤饢烤包仔店，間店隱藏喺一條唔起眼嘅小街入面，鋪頭細到唔多引人注意，而且只賣四個品種，但神奇嘅係，好多附近嘅居民同新疆朋友都一大袋一大袋咁買。 我買咗芝麻烤饢同羊肉烤包仔。芝麻烤饢一上手，陣陣香味就撲鼻而來。咬落去，邊邊厚實，嚼起身好有嚼頭；中間薄脆，“嘎吱”一聲，越嚼越香。羊肉烤包仔更唔使講，薄薄嘅外皮一咬就破，跟住係滿滿嘅肉香，肉汁即刻喺嘴入面爆開。