非常好！生煎爆汁！

👉🏻豆漿✨ 雖然係送，但豆味都幾濃，幾滑無豆渣，帶少少甜味，唔係無糖，同埋佢係凍豆漿，天時暑熱飲返杯解渴都唔錯🙂‍↕️ 👉🏻蟹皇、瀨尿蝦、蝦生煎包✨ 每款生煎包都係一咬，外皮脆口，入面爆汁！超多湯喺入面，每一粒生煎包都好多湯，唔會有粒係無既🙂‍↕️ 蟹皇生煎包既肉餡有食到蟹子，同埋有食到淡淡既蟹皇味，亦有好香既肉味，兩者味道和諧，唔會搶口😋 瀨尿蝦我覺得係最好食既，一咬開就見到好多瀨尿蝦肉，真材實料，可以食到瀨尿蝦既鮮味[色] 蝦生煎包內裏包住蝦肉，蝦肉爽口彈牙，唔會霉，點埋醋一齊食就可以解膩，咁就可以食多幾粒生煎包😋 👉🏻招牌生煎包✨ 外皮香脆可口，底部微焦帶香味，一啖咬開大爆汁🤣肉餡味道似小籠包既肉餡🙂‍↕️豬肉唔會有臊味，整體口感豐富😋 👉🏻招牌煎雞扒菜飯✨ 份量都幾大，配埋生煎包已經好飽🤣雞肉無雪櫃味，肉質嫩滑，唔會煎到好乾柴。雞肉一份有六舊，每舊都幾大，啖啖肉好滿足😋菜飯食落口啖啖都有菜，唔會剩係俾好少你，雖然煮左做飯，但都可以keep住菜既清爽味道。飯粒粒分明，唔會太乾太濕，整體恰到好處🙂‍↕️ 👉🏻雞湯小雲吞18粒✨ 小雲吞唔細粒，肉嘅調味會令到人好想繼續食下一粒，餡料亦唔會鬆散，皮完全無爛，煮得剛剛好，好有家鄉嘅感覺🥹雞湯比較清，襯返比較濃味嘅雲吞係一絕😙雲吞落左蛋絲同小唐菜都多左色彩，更加有食欲