前几日偶然经过，俾门口的图片吸引，今日中午就来试试。 [薄荷]环境: 几骨致的小店，但都好整洁。 「担担面」一碗面+一杯热奶茶，承惠38蚊，都几抵食。汤底香浓，入面的花生碎好脆，肉燥唔多，榨菜好老好多硬筋。 整体性价比ok，花款多，会再帮衬。

香港小店的特色是店很小，卖的东西种类可以很多。这店就是典型。我们点的都是套餐，送例汤和热饮。排骨菜饭的炸猪排做得不错，但不配辣酱油，少了真正上海的风味。酸辣汤面一般般，有点淡。豆沙锅饼比较败笔的是皮超厚，没有酥脆的口感。

餐厅：萍萍上海馆 (长沙湾) 地址：长沙湾青山道338号顺利商业大厦地下A号铺 疫情底下小店真喺买少见少，当集团式餐厅同店铺都相继结业或者唔开铺，更何况系小店呢🥺？喺疫情底下大家除咗要身体健康，分享更多爱同关心之外，呢啲小店亦都好需要我哋去支持，而我今次就去咗长沙湾呢间有两间分店嘅萍萍上海馆，另一间就喺筲箕湾果边 佢哋长沙湾呢间店开咗两个几月，老板同师傅喺上海人，所整嘅上海菜比较正宗同地道🤩。餐厅唔算好大，有大概8至10张枱，下昼四点几嚟到都有唔少人嚟买外卖同堂食，原来5:30pm之后外卖自取有九折优惠，嘢食款式都几多，由小菜到汤面🍜，仲有唔少客饭同埋炒粉面，价钱好平民化，难怪吸引咁多人嚟帮衬 叫咗两个午市点面餐，可以喺八款招牌点心入面拣一样，再拣一款粉面，价钱都喺$55-$60，仲包一杯豆浆或者热饮☕️ ✝️红油抄手配萍萍汤面 $55 抄手有五只，酱汁香香麻麻，小辣得嚟唔会呛鼻🌶，另外带有黑醋同蒜蓉香，都几开胃😋。萍萍汤面喺餐厅自制嘅上海油面，加咗肉碎同酸菜等配菜，简单得嚟不失地道惹味 ✝️炸银丝卷配酸辣汤面 $58 好耐无食过银丝卷，蒸好之后经油锅炸至表面金黄香脆，夹开见到里面银丝缕缕，入口软绵油润，重点紧喺蘸埋炼奶，甜而带些少油腻感真系好吸引🤤。酸辣汤面嘅汤底比较稠，有啲似糊状，比我想像中无咁辣，以阵阵酸香为卖点，当中加入木耳同豆腐等材料，食落口感层次就更加丰富👏 ✝️招牌上汤小笼包 $70 本身以为一笼8只，点知原来系分开咗两细笼，每笼有4只，单价价钱同叫4只小笼包一样🙈。嚟到热辣辣出晒烟紧喺要趁热食♨️，唔敢话皮薄馅靓，但皮嘅厚度真喺啱啱好，唔会一夹就穿，或者咬落成口粉，丰富鲜甜嘅肉汁配埋香浓猪肉，配埋姜醋就perfect😙 ✝️鲜肉锅贴 $45 店员话唔可以唔试呢度嘅锅贴，接近$10一只感觉有少少贵🤏，但原来都算大只，锅贴底部煎香微脆，面头软嫩香滑，馅料除咗猪肉之外仲有啲爽口蔬菜，配埋餐厅自家制嘅辣椒酱辣辣哋别有一番风味🤪