有陣時出街食晚飯都會睇下op有咩好推介 香港人搵食通常都係上網睇下有咩好食❤ 咁啱睇到呢一間喺佐敦嘅漁正居酒屋， 原來喺op訂座可以有七折優惠， 即刻就落咗 appointment🤣 一入去呢間居酒屋就覺得好有意境 因為佢係和式嘅裝修同埋幾乾淨 入去坐低係要除鞋嘅❤好有日本正宗嘅感覺 我哋都叫咗一啲 刺身同埋拉麵仲有燒烤 串燒 🦞 龍蝦沙律 龍蝦沙律上面有一層 飛魚子， 龍蝦肉好彈牙酸酸甜甜 配上手工青瓜絲真係好開胃 🫶活石生蠔 超大隻！超肥美！超濃海水味！ 配上店家自製嘅醬汁 簡直係 好食到 可以食夠十打❤不過可惜 生蠔係限量發售嘅 🐟刺身 伊佐木魚嘅刺身 唔係間間 日本舖都可以食到， 呢一條魚 鮮味十足入口 軟嫩， 師傅特別燒過嘅魚皮 帶上一種焦香味， 令人回味無窮 🐮薄牛舌沙律 牛舌 呢啲手工菜真係唔係週圍有得食 呢一個薄牛舌配上咗和風沙律， 係一個令人非常之回味嘅組合， 因為師傅嘅刀工好，一啲都唔會韌 🐔 串燒 我哋分別叫咗羊肉串燒 大蔥雞肉串燒 豬頸肉串燒雞骨腸串燒 雞肝串燒 串燒 最值得一題嘅地方就係非常之juicy一啲都唔會乾 而非常之推介嘅就係雞肝串燒 燒得恰到好處唔係週圍有得食㗎 🦑墨魚和果子卷 呢一個外脆內軟嘅組合都係我第一次見第一次食 呢一種創意料理 都係呢一間小店師傅嘅出色傑作 🐟鹽燒鯖魚 鹽燒鯖魚配上 蘿蔔蓉 加埋店舖特色製作嘅燒肉汁 真係好好餸飯🫶早知叫返個飯啦 黑蒜油豚肉拉麵 由於叫兩個又食唔曬但係又唔想自己分叫店員幫我分開咗兩碗，佢都好樂意幫忙 拉麵爽口彈牙 叉燒豚肉丸亂入味 湯底嘅黑蒜油亦都唔會太過搶火 呢一餐經過open rice訂座七折，折咗之後仲抵過食放題，不過覺得高質過食放題