🍴✨ 香港大角咀有間泰菜熱店 — Restoran SAYA，係「貴精不貴多」嘅代表！餐牌雖然得三十款左右，但每一款都好有水準，難怪自2023年起連續三年攞到米芝蓮必比登推介 🏆。 🌿 店內環境以湖水綠色牆身配藤椅、壁畫，充滿熱帶風情，好有泰國度假feel 🏝️，打卡一流 📸！夜晚八點後仲有海鮮七折優惠 🦐🦑。 🥳 最特別係生日限定芒果糯米飯 🎂，分大份$198同細份$128，仲有生日蠟燭、生日牌、生日歌同即影即有相片 📷，完全當蛋糕咁慶祝，夠哂創意！芒果香甜多汁 🥭，糯米配椰漿香濃滑溜，兩個人食份量都足夠，生日氛圍滿分 🎉。 🦪 泰式煎蠔仔餅 蠔仔粒粒飽滿鮮甜，煎餅外脆內軟，底層芽菜爽脆，口感層次超豐富 😋。 🐷 炸魚露豬頸肉條 平時食炭燒豬頸肉居多，呢度改用油炸，外層焦脆香口，魚露鹹香加微甜蜜汁味，真係好特別，食到停唔到口 🤤。 🍜 泰北咖喱金麵 一半炸麵一半滑麵，口感好有層次！咖喱湯底香料味濃，甜辣交錯，仲有大大塊燒雞，滲出淡淡香茅味 🌶️🍗。 🥭 泰式芒果柚子沙律 酸酸甜甜好開胃，芒果香甜、柚子爽脆，加埋微辣魚露，味道平衡得嚟又清新，份量仲幾大兜，真係必試 👍。 💡 Restoran SAYA唔單止食物高質，價錢合理，環境打卡靚，服務仲好親切熱情 🥰。無論係慶生、同朋友聚會，定係想食正宗依善泰菜，都係一個超值選擇！