前排屋企人話想打邊爐問我有乜好介紹，咁我就帶咗佢哋嚟大埔呢間大滾友開餐。 屋企人第一次嚟，湯底當然要叫我最愛嘅花膠雞湯底，順便俾佢哋試吓呢度嘅皇牌湯底，因為半隻雞份量已經好多所以只係叫咗半份。 冇食一排湯底依舊咁好味，屋企人都非常鍾意，口感清澈之餘味道香濃 🥰 之後再落埋雞肉，湯裏更多分油脂嘅香氣，味道再進一步昇華。 酥炸小菇菇第一次食，炸得酥脆而不油膩，做餐前小食一流。 餐廳個招牌牛肉拼盤超級正必叫，可以一次過食到勁多部位，另外屋企人都好鍾意食牛肉，所以今次叫咗個手打鮮牛丸，牛丸鮮嫩多汁，新鮮真係唔同啲。 另外仲叫咗幾款餃類同海鮮等等，龍躉片份量好多之剩件件都好大塊，味道嫩滑鮮甜，下次都一定要返食。 最後食埋餐廳嘅火焰豆腐花非常飽肚又滿足，依家提早離場仲有 78 折。