🍲台灣藥膳養生火鍋 全港首創台灣藥膳養生火鍋，一人一鍋設計，衛生方便。這次試了90分鐘全日定量套餐，整體體驗中上，有驚喜。 🥬爆漿熔岩芫荽鍋 絕對是芫荽控的終極享受！芫荽堆滿面，視覺效果震撼。芫荽香氣清新但不霸道，湯汁濃淡適中，不會過鹹，涮肉或蔬菜都能帶出食材原味。 🍅藥膳田園蕃茄濃湯 藥膳味道溫和，與蕃茄的天然酸甜完美融合，入口順喉，滋補得來不會有濃烈藥材味。 🥩極上牛頸脊 定量套餐的極上牛頸脊，每人兩碟約150g，份量合理。肉質油花分佈均勻，色澤鮮紅，新鮮度不錯。輕涮數秒，入口軟嫩，牛味濃郁且帶適當油脂香。 🌟任食配料 🥢QR code落單另有四款肉類及海鮮任點。雞髀肉嫩滑，深海魚片更是亮點，肉質結實鮮味足，值得encore。 🥢蔬菜區除了基本款式，更有蟲草花和羽衣甘藍等較少見的健康選擇。 🥢丸類區選擇極多，目測超過十五款，當中有不少台灣特色丸類。 🥢飲品櫃選擇豐富，更有即沖台式飲品任飲。 🥢甜品有高成本誠意之作，雪糕櫃供應Mövenpick。吃完火鍋來一球雪糕，完美作結。 🌟藥膳湯底有特色，定量牛頸脊質素高，胃口不大者可選定量套餐，食量驚人就可以揀任食套餐，豐儉由人。

銅鑼灣媽祖任食火鍋，高質任食配料款式多~ 今日約咗朋友夜晚去睇場戲，不過由於睇完都要成十點，所以我哋相約好早少少食嘢先，睇戲就無咁肚餓。因為朋友係呢頭返工，所以當問到要食咩嘅時候，佢都二話不說提議食個火鍋放題，可以消耗時間之餘，呢間亦都出名食材新鮮質素高，亦可以避免要等好耐，所以最後就約定五點半左右開餐，避開晒啲輪候人龍。 去到餐廳門口環境衛生、乾淨整齊，職員好快就安排入座，雖然唔使等位，但係都已經坐滿九成顧客，我朋友果然有備而來~ 望一望個餐牌，佢有兩個時段供客人選擇分別90同120分鐘。因為驚遲入戲院，最後兩個揀咗90分鐘$148嘅火鍋套餐，佢係定量牛、豬肉各一碟而配料任食。揀選套餐後就要揀埋湯底，佢呢度都有12款湯底選擇，由於我哋兩個唔食辣，所以選擇困難後叫咗藥膳椰子清雞湯及藥膳台灣沙茶湯。 等咗大約五分鐘湯底上枱啦~~~ 我揀咗個椰子雞煲雞湯所以都即時飲啖湯，發現佢個湯好清甜好有香濃椰子味，質素極高。等多一陣牛同豬肉都陸續送到，起初以為每人一碟牛、豬擔心未必夠食，但後來見到佢自助吧有大量嘅配料任食，就完全唔駛擔心。除咗飲品櫃之外，掃QR Code亦都有好多款手工飲品可供選擇，我哋前後都嗌咗兩、三杯，質素都相當高。 我哋第一時間都輪住出去攞醬料有九款可供選擇。當中見到自助吧有相當多蔬菜同丸類，賣相相當新鮮，而且見到職員Refill得相當快，所以完全唔怕短缺。攞完一大堆丸類同埋蔬菜後，我哋都掃埋個QR Code，發現有幾款肉類及餃子可以任點任食，有沙嗲嫩牛肉、雞髀肉、白菜豬肉餃同埋魚柳等。喺等緊呢段時間我哋梗係口不停蹄食佢嘅牛肉同豬肉，肉類質素鮮嫩而且有肉味，質素絕不馬虎。不過最令我驚喜嘅就係佢嘅沙爹牛肉同埋雞髀肉，質素好高。再試埋佢嘅白菜豬肉餃同埋魚柳，質素正常，入口都新鮮嫩滑。但對於我哋男人嚟講，點都唔可以缺少碳水化合物烏冬同埋公仔麵，佢呢度有台灣嘅王子麵食，而且仲有手打烏冬，配合埋個湯底烹調好入味。 食到差不多一個鐘職員都有窩心提示顧客Last Order，如果有需要都可以食埋個甜品。咁我哋當然要食啦，佢個雪糕櫃除咗基本嘅雪糕之外，估唔到仲有名牌雪糕，例如：Movenpick。為咗要回本，所以起碼最少食兩杯先夠... 食到完場埋單每人消費$150蚊加一，性價比相當高飽住肚走人。離開時見到門口已經人山人海等緊入場，好彩我哋一早到，如果唔係真係起碼等一個鐘以上，所以如果大家想舒舒服服就要好似我哋咁早啲到，或者等到最後一輪咁就比較理想。呢間放題絕對適合唔想淨食牛同豬嘅食客，而且鐘意台式口味既人仕多一個選擇。

535，有餐饮有其他，体验一下电梯，随便按5楼，上来看到:香港日本人俱乐部……