招牌 澳洲M7和牛 火鍋放題 天下糧倉 位於旺角西洋菜南街百寶利商業中心，為任食牛肉火鍋專門店， 究極和牛放題 九點半前入座$246+$13醬油費/位，價錢正常。 由於主力食牛，湯底揀左比較清嘅潮汕牛骨湯，以免過於油膩，其他唔洗額外加錢嘅選擇有沙嗲、豬骨粟米及芫茜皮蛋湯。 任食牛肉共有八款：澳洲M7和牛、Prime牛板腱、安格斯牛肩胛、一級肥牛、封門柳、澳洲和牛金錢𦟌、牛脷片。 第一盤牛肉係超大份量嘅牛肉拼盤，有齊曬以上八款牛肉，其中澳洲M7和牛最為優質，油香與肉味最為突出；一級肥牛油花比例較高，食落較香口；安格斯牛肩胛脂肪較平均，肉質較結實；牛板腱無咩脂肪，肉味重啲但就比較有嚼勁；封門柳就會滑身少少；鮮牛肉非常滑，就算灼耐左都不影響口感。 其實兩個人食完一盤牛肉都飽左七成，所以呢盤野3-4人 share就差唔多……因此我地之後都食唔到太多，主要都係係自助區拎返啲蔬菜/蘿蔔/雜菌黎食，其餘食物仲有各式丸類、牛栢葉、青口、豬頸肉、雞翼等等。

人均267.5港幣，座位闊落，肉新鮮，又開到凌晨3點，絕對是旺角好出去！ 揀完湯底後，每枱都會自動上一盤肉，其實份量超多，2個人真係好飽😹肉嘅部份係肉眼可見乾爽唔鬆散，又片得薄嘅肉，快熟口感柔軟，唔會食少少就飽👍 其中最鍾意 和牛金錢展、肥牛同牛肩胛，脂肪比例足夠唔會柴，而且個電磁爐火力夠，快滾👍 2個人都可以坐4人枱，唔需要同人逼，蔬菜選擇多，又新鮮，其實真係幾滿意，性價比超高(⁎⁍̴̛ᴗ⁍̴̛⁎)