小店主打汉堡，分别有牛、鱼和鸡，加钱可追加配料和升级为套餐。另外，还有至尊二人餐、几款小食、蔬菜和饮品。 ********************** 南亚风香是拉差酱鸡堡套餐 Sriracha Chicken Burger Combo ($49+$15)追加鱼柳 Fish Filet ($20)及蘑菇 Mushrooms ($8) 外微脆内软熟的面包夹着清甜多汁的蕃茄片、清爽青绿的生菜和一大块厚厚的香煎鸡扒。啖啖肉，烹调入味，虽不算很嫩滑，但绝不嚡口，连鸡皮同吃，多份油润。最喜欢是所配的南亚风香是拉差酱，味道有点香辣，带微酸，风味十足。 旁边放了香蒜西兰花、蘑菇和一件鱼柳。西兰花好爽口，但可惜有点焦燶；蘑菇爽口兼富菇香；鱼柳肉质白嫩，带点咸香和香草味，挺好味!

西九龙中心food court最近大变身，开咗好多新嘅食店，今日我就拣选咗呢间Hunger Burger。有质素嘅汉堡包，动辄都要$80，但呢度嘅定价就只系$50上落，始终呢一区价钱都要比较大众化，先可以吸引到区内食客。仲有提供学生餐优惠。 小店人手不多，而且新鲜制造即叫即整，所以都要耐心等候，不过见到开放式厨房入面非常企理，所以都好安心食用。店面仲有提供茄汁同芥辣酱，可以自由添加。 第一次试，就拣个平实啲嘅汉堡，呢个超经典芝士牛堡($50)究竟可以有几经典？汉堡简单就是正宗，厚厚嘅牛肉汉堡扒，上面加上芝士、蕃茄、生菜，再配上酱汁，牛肉汁同时渗透面包入面，简单而滋味！ 食汉堡包通常只会配薯条、薯角、薯格⋯，总之就系炸嘢，但呢度仲有得拣西兰花，而我就另外叫咗一客香蒜西兰花配鱼柳($50)。西兰花用蒜盐炒香，充满浓浓嘅蒜盐味。鱼柳份量都唔少，一大块鱼柳扒，店员将佢分成四件，肉质都算滑，上面洒上蒜盐同香草，真系够晒香！