牛响度麵館真係街坊至愛！店面乾淨企理唔逼狹，燈光柔和坐得舒服。牛骨湯頭濃香鮮甜，麵條彈牙掛味，牛腩同牛肚軟糯入味、分量超足。職員態度親切快手，落單上菜唔使等，價錢實惠抵食，食完仲想再嚟！

沙茶牛三寶湯麵[爱心]用料實在，沙茶味濃但唔會好油，加多$2轉椒麻蕃茄湯底就更加醒胃，酸酸辣辣、帶少少麻香，蕃茄味幾突出，冬天食一碗好暖身又開胃。麵條掛湯，啖啖都食到晒啲湯汁精華，成碗好滿足。 汁煮肥牛飯[爱心]就係超級送飯嗰隻，肥牛切得薄薄地，片片都吸晒鹹香醬汁，配住白飯食會好快清晒一碗飯。醬汁有少少甜味，食落唔滯，份量都幾足，當午餐絕對夠飽。如果再加多少少菜會更完美。 韭菜豚肉雲吞[爱心]雲吞皮唔會太厚，咬開有韭菜香同肉汁，味道幾鮮，零豬騷味。配清湯或者放入椒麻蕃茄湯入面一齊食都幾夾。 慢煮手撕雞胡麻醬[爱心]就好啱當前菜或者小食，雞肉做得幾嫩，每條都掛到香濃胡麻醬，芝麻香好出。胡麻醬帶少少甜味，又有少少酸，食落唔覺滯，再配啲青瓜絲會更加清爽解膩。

食物份量足，價錢親民，啱晒求快靚正嘅香港人。仲要係正吉之島入面，地點真係好方便　我地今日大胃王上身，叫左沙茶鮮牛飯[爱心]牛肉切得厚身有啲嚼勁，味道帶少少香辣嘅沙茶醬，配白飯啱啱好，唔會太油膩。 汁煮肥牛米線[爱心]牛肉肥瘦剛好，米線吸滿咗牛汁，好有香氣，湯底濃郁。蘿蔔牛腩lam飯[爱心]係呢度嘅人氣推介，牛腩燉得軟腍入味，蘿蔔吸收晒牛腩汁鮮甜。 五香豬手米線[爱心]味道濃厚，豬手肉質結實但唔硬，五香醬汁好入味，米線爽滑彈牙，整體味道香濃唔會過鹹，啱啱好。