今晚同friends 去咗間超有格調嘅西餐廳，由頭驚艷到尾！一入門口已經俾佢嗰種低調奢華嘅氛圍震住——大理石桌面、酒櫃，連餐巾都折得好整齊✨ 「精選生蠔拼盤」絕對係MVP！六七個法國蠔肉脹卜卜，一啖嗦落去先係海水嘅鮮，尾韻仲帶住陣甜，配埋cocktail，天堂不過如此～ 「墨西哥甜粟米蟹肉周打」更係暗藏驚喜，湯底用龍蝦殼熬足幾個鐘，每啖都飲到蟹肉絲同粟米嘅爆甜！ 「古法牛尼尾濃湯」飲得出師傅功力，牛尾燉到膠質溶晒落湯度！ 「香蒜蜆肉意粉」蒜香嚟得含蓄但持久，扁意粉掛滿橄欖油同蜆汁，每條麵都黏住三四粒肥嘟嘟蜆肉，海鮮味濃厚！ 「燒原隻法國黃油雞」好大隻雞，雞皮燒到香氣四溢，一刀切落去啲雞油同肉汁好似瀑布咁湧出嚟，肉質嫩過BB肌，伴碟的一大團薯蓉奶香味十足！ 甜品拼盤 多款精緻甜點，抹茶蛋糕茶味香濃，仲有層夾心！焦糖藍莓布丁面頭嘅焦糖脆到似玻璃，布丁滑溜！草莓發糕鬆軟，糯米糕煙韌得嚟唔黏牙，食完成個人都幸福晒💖 「荔枝藍蝶花雞尾酒」簡直係藝術品！紫藍色漸層，荔枝果肉溝埋接骨木花糖漿，清新得嚟帶微微酒香，飲完成個人都靚晒💜 每一道菜都睇得出師傅嘅心思同功力！