今朝返工睇手机，看见有营养师推介呢间饭团店的饭团，所以心血来潮想食饭团，在地铁上立即搜寻九龙湾有冇呢间店，点知俾我搵到正正在地铁站入面，一落车就可以走去买，看见店铺的饭团林琅满目，都不知选边样好，后来我选了一件八月限定的帆立贝木耳丝饭团，珍宝系列的照烧鲑鱼扒配明太子沙律和新发现的樱花虾酱油拌饭。 珍宝系列的照烧鲑鱼扒配明太子沙律，入面有一大块鲑鱼扒，鱼扒都算好厚，好重鲑鱼味，加上明太子沙律酱汁，有微微的辣味，饭粒都好软熟，本来都几好食，但最失败系佢将紫菜同个饭一齐包装，个紫菜腍晒，一点都不脆，打晒折扣！ 另一款系八月限定的帆立贝木耳丝饭团，呢个就好好多，紫菜和饭团分开包，这样紫菜保留新鲜脆口，饭都好软绵，入面有原粒帆立贝，唔算好大粒，但都唔会好细粒，入面仲有木耳丝，木耳丝加埋入面的酱汁同埋帆立贝一齐食，个味道又真系几唔错！食到帆立贝的鲜味，又食到木耳的爽口，正！ 最后系新发现的樱花虾酱油拌饭，拆袋后已经闻到酱油同樱花虾的香味，樱花虾份量适中，每一啖都食到樱花虾的味道，酱油调落饭入面，味道恰度好处，一点都不会抢走饭同虾的味道，但又带有淡淡酱油味，绝！