看起来好像很便宜，买回来发现很难吃。果然一分钱一分货

有時候趕時間唔得閒煮飯，一個人又費事出街食，買外賣就係一個唔錯嘅選擇。原本諗唔到食咩，不過行過見魚尚又有飯糰又有壽司刺身，價錢仲要幾平，就決定買返d飯糰同壽司做午餐+晚餐。 呢到嘅飯糰本身係用日本宮城米，所以口感煙韌彈牙。飯糰口味選擇都唔少，而且有d都幾特別。 好似金平牛篣植物豬肉飯糰($12)，用咗IMPOSSIBLE植物豬肉嚟整，冇膽固醇、動物激素同抗生素等，食落直程同真豬肉一樣，加埋爽脆牛篣絲，晒健康。 另一款醬油鰹魚鬆飯糰($9)，選用日本新鮮捕獲嘅鰹魚嚟做魚鬆，鹹香鮮味，同日本製香甜醬油好夾。 至於呢款紅鱈蟹沙律飯糰($15)，飯糰入面包住滿滿鮮味十足嘅紅鱈蟹肉，沙律醬酸酸哋甜甜哋，令到個飯糰食完都唔會好滯。 呢款大蝦蛋沙律飯糰($15)，飯糰係丸形設計，而且加入咗日本製醬油，可以見到面頭嘅大蝦同蛋沙律，非常有特色。香濃蛋沙律加埋鮮甜彈牙嘅大蝦，都唔錯。 俾佢個溏心蛋吸引咗買咗件溏心蛋飯糰($15)，同樣係丸形設計，橙黃色流心狀態嘅日本蛋勁吸睛，食落蛋漿流晒出嚟，蛋香味濃郁。 除咗飯糰，呢到d壽司都幾抵，除咗有低至$3嘅單件壽司買，亦都有拼好晒唔同壽司嘅拼盤，見幾抵食就買咗兩盤，質素都唔錯。 依家店鋪仲做緊推廣優惠，只要買 3 個或以上飯糰就可以攞到價值$86 嘅禮券一套 (即日至7/9)，而買任何嘢滿$100 加$8 就可以換到扁形便攜水樽同埋優惠券禮券一套(即日至14/9)添。 。 。 魚尚 (青衣) 青衣青敬路33號青衣城2期1樓196號舖 。 。 @uoshow #魚尚 #飯糰 #金平牛篣植物豬肉飯糰 #大蝦蛋沙律飯糰 #大蝦蛋沙律飯糰 #紅鱈蟹沙律飯糰 #溏心蛋飯糰 #植物豬肉 #IMPOSSIBLEFOODS #日式輕食 #優惠 #小確幸

新开的寿司店，性格比高👍🏻 目前只提供外卖 「开心派对寿司盛」(18件) HK$98 就是杂锦寿司，可选不同的款式。 「黑松露花之恋贝盛」(10件) HK$62 花之恋就是三文鱼蟹籽，黑松露配上带子 / 甜虾 也是不错的配搭。