今日收工，想自己整個煲仔，於是就去到出名平嘅楊屋道街市附近掃平貨啦，收工嘅時間商戶未免貨物變壞都會割價，買完10蚊3兜菜之後，見到e間餃子店都幾多人買，咁就又去買下啦。 店員話收工特價45蚊1磅，咁我地就執左韭菜鮮肉餃同埋香茜馬蹄肉餃，買完再買多粒雞湯粒就返去煮飯仔啦！ 返到去一煲滾起個餃子再加菜啦，大約煮左幾分鐘就熟啦，自己都分唔到邊隻餃子係咩味，咁就只有試左先知啦！第一隻係香茜馬蹄肉餃，食落去好香芫茜味，馬蹄肉一粒一粒好爽口，而且皮薄，非常好味道，好啦，咁第二隻啦，都係馬蹄..... 第三隻就係韭菜鮮肉餃啦，好足料，韭菜好鮮味，完全感覺到係好新鮮呀！個人感覺係e間水餃店非常足料，新鮮同埋有heart，試左佢之後我唸我都唔會再買超級市場果d包裝餃子啦！