宮廷風火鍋🍲花膠雞湯暖笠笠🤤 天氣轉涼就成日掛住打邊爐🍲，今日終於約埋朋友去荃灣呢間 大滾友火鍋 ～ 主打宮廷風設計好有特色✨，坐低即刻有種圍爐取暖嘅幸福感，重點食材夠晒誠意！ 🫕必點 玲瓏浮特花膠雞湯鍋 真係驚喜！金黃湯底香濃到扑鼻👃，入口滿滿膠質，滋潤到喉嚨都舒服晒😌，秋冬更加要飲多兩碗～ 三黃雞嫩滑多汁，雞味超濃，浸埋湯底更鮮甜！ 🥩大滾友牛肉拼盤唔好錯過！細份都有6款選擇🥓，本地手切牛頸脊軟嫩帶嚼勁，牛肉粒肉味爆發超入味，花雕酒浸牛肉酒味香醇又煙靭🍶，每款都新鮮到鎖住肉汁，打邊爐就係要咁樣食牛肉先過癮～ 仲有和牛墨魚丸爽彈juicy🐙，龍躉片軟滑鮮甜🐟，珊瑚桂花蚌脆卜卜🦐～ 最後飲返杯竹蔗茅根解膩🌿，會員仲有豆腐花甜品結尾🍮，完美！ OpenRice訂座19:30前埋單78折🎫，超抵！冬天約埋朋友一齊暖笠笠打邊爐，真係人生一大樂事～