又來食螺螄粉啦，今次食呢間無自己既店，係深水埗西九龍中心既美食廣場內，位置要自己揾哦~要避開星期六，日去，唔係會有好多賓賓係度打發時間，好難揾到位。 招牌炸蛋螺螄粉：炸蛋超大隻，完全覆蓋裝螺螄粉既碗，仲炸得好鬆脆，浸落湯，嗦湯一流吖！螺螄粉辣度就叫左中辣，配料幾豐富，腐竹好香脆,但酸笋有點兒老，粉都幾爽滑，亦好掛湯，而粉量都幾多，好飽足。 除左螺螄粉外，仲有福鼎肉片，但仲未有機會試到呢款肉片湯，要留待下次啦。

在網上見到不少人討論，在深水埗的西九龍中心8楼美食廣場新開左一間螺螄粉小店《螺鼎記》，刚好經过附近，便入去試試。 【炸蛋螺螄粉】$42 首先螺螄粉上的炸蛋十分有驚喜，雖然口感不算滑溜，但蛋味十分香，而且炸得火候刚好，爽口中帶小小香脆口感，再浸一浸螺螄粉湯底再吃，十分滋味，真心幾好食。螺螄粉的辣度叫了小辣，也合乎預期，但可能為遷就商场環璄及香港人口味，其特色酸香味食落有点偏淡，非常易入口，但就少左螺螄粉的特色，比較適合初嘗螺螄粉的人；螺螄粉内的米線分量不少，入口爽滑Q弹，口感不錯；而配料就有齊基本的酸荀、油炸腐竹、花生及青菜等，食材頗新鲜爽口，也蠻不错。这个螺螄粉雖然其特色酸香味有点偏淡，但材料还算是十分有地道口味，而且在香港市区實在難得一見，如突然想在街外吃碗螺螄粉，這里算是不二之選。