應該係全大埔最抵食嘅任食雞煲+火鍋放題 $168 街坊價先雞煲後火鍋任飲任食🤩 有十幾款雞煲火鍋底選擇，揀咗胡椒鹹菜豬肚雞鍋，雞鍋已經有半隻雞，店舖做緊優惠仲可以免費加多半隻雞，不過我哋2個人怕食唔哂就冇加到。 先嚟個胡椒鹹菜豬肚雞鍋，勁多料，鍾意個胡椒鹹菜豬肚鍋底唔太濃，如果唔係就會蓋過哂d食材味道；豬肚又冇煮到老哂👍🏻 火鍋前店員極推薦香辣爽脆魚皮 $68俾我哋，魚皮真係超爽脆，夾埋花生，少少麻辣，超好食，推薦💯 火鍋配料選擇都算多，食材新鮮嘅，鯇魚骨腩、豬膶、黑椒牛肉丸、豬大腸、魚皮餃、酥炸魚皮等等都好食，尤其即炸響鈴，夠酥脆，仲唔覺油膩😋 要讚嘅係火鍋配料係逐件order，食幾多order幾多件，可試多幾樣又唔駛怕食唔哂嘥嘢 飲品選擇都多，有啤酒、汽水、茶等等等等，仲有自家製嘅冇糖鳳梨冷泡烏龍茶、竹蔗茅根同咁啱見到佢哋喺度煲緊蜂蜜檸檬百香果，讚👍🏻 埋單時先知原來6月仲有佢哋7週年嘅77折promotion，超抵食 絕對係大埔性價比超高嘅食店👍🏻

大埔呢間親民既隱世小店 有多達16款雞煲味道選擇 晚市時間$168就可以任食雞煲 最抵下午茶$118就食到！ 今次我揀左至尊麻辣雞煲味 雞係一早煎香、炒好 一上枱已經聞到好香口又惹味 食落去每嚿雞都好嫩滑入味 最正係可以事先同店員講加雞🐥 再飲埋佢地自家製飲品 百香果茶、竹蔗茅根、水蜜桃烏龍茶 非常解膩😋 最後加湯打邊爐 有非常多配料選擇 食到好滿足🍲

任飲任食火鍋雞煲 @ Hong Kong 大埔有一間街坊雞煲屹立於大埔墟，店面小小的一間，但是裏面充滿人情味十分溫暖，價錢也很相宜，很適合三五知己或一家人一起去吃。 鍋底已經有16個選擇，今天我們選擇了椰子雞煲：現在還可以免費加雞！但必須於下單前說明。我們一行兩人加了半隻雞，整個煲裏面滿滿的都是雞件！！把整個雞煲吃完胃已經滿了一大半！！！ 之後還可以選擇火鍋材料，火鍋材料選擇豐富，足足有54種。還可以另外加錢選購其他火鍋材料。牛肉選擇不多，只有美國肥牛，質量當然不能夠和A5級相比，但是這個價錢，性價比真的是不錯了！ 另一個推介嘅火鍋食材是即炸響鈴和即炸魚皮，兩樣都十分香脆，沒有油膱味！配上火鍋湯底，更添美味。 飲品成日試任飲的，選擇也很豐富：有啤酒、可樂、綠茶、冬瓜茶、自家製竹蔗茅根等等。 下單之後食材也很快端上來，而且店裏面的員工都十分友善，最重要的是沒有限時，真的十分適合朋友們一邊聊天一面吃火鍋呢。