清江魚烤魚，魚肉質細嫩，魚味清甜，入口唔會腥，好啱用嚟做烤魚。配以冬陰功味湯底，夠哂酸辣，淡淡檸檬草、辣椒清新味道，味道層次豐富。魚肉吸收咗冬陰功嘅酸辣滋味，夠哂開胃，惹味可口。 而打邊爐嘅湯底就更加講究。湯底係用芫茜皮蛋拼豬骨湯，豬骨湯滿滿骨膠原同鮮味，湯頭濃郁唔油膩。芫茜皮蛋嘅香氣，鹹香味岩岩好，令湯更有層次。 至於配料方面，二鍋頭嘅牛肉、豬肉、雞肉同海鮮，質素都一流。自助區既蔬菜同野飲，選擇多，無論咩口味都照顧到。 環境舒適，食材新鮮，大推！