誠如店名用心之作 餐廳室內外都有座位，裝修現代簡潔，乾淨企理，空間感大，坐得舒服又cozy👍🏼 餐廳經理同員工都超有Heart，用心介紹Menu之餘又有禮，服務態度一流 玩緊電話嗰陣超貼心哋奉上手機支架😆😆😆 🌼前菜 薯片忌廉湯/田園沙律🥗 忌廉湯creamy，伴香脆麵包粒豐富口感 沙律菜新鮮，伴碟水果除咗有平時見開嘅小蕃茄，仲有桃駁梨，都係鮮甜 🌼 龍蝦忌廉汁燴海蝦意大利粉 （$228另加一） 成個大盆上好震撼 龍蝦汁俾得好慷慨，Creamy濃郁，每啖意粉🍝都掛滿醬汁。意粉用料豐富，大大片蘑菇🍄‍🟫有牛油香，鮮蝦唔用冰鮮蝦，剝好殼方便食用 🌼 香煎澳洲草飼肉眼牛扒 （$228另加一） 七成熟嘅牛扒厚度適中，煎到岩岩好💯，肉質保持嫩滑。靚嘅扒唔使調味都好好食，待應俾嘅一樽鹽都用唔著😆 伴碟有大量沙律菜+薯條 沙律菜新鮮無苦澀味；薯條粗身，新鮮炸起熱辣辣 🌼是日甜品 朱古力蛋糕香濃，mousse夾心軟滑唔會過甜 係一件高質嘅甜品🤭 晚餐加$30可以配紅/白/氣泡酒/$60以下飲品 我哋配咗凍Mocha，入口超香咖啡味，超有驚喜 下次再訪要飲返杯真咖啡☕️ 鋪頭每兩個星期會轉一次Menu；人多仲可以包場享用美食，一大班人想一齊食餐飯不妨考慮考慮！👏🏻👏🏻👏🏻 🍽️ Heart Bar & Restaurant 📍佐敦廟街285號地舖

「魚扒」佐敦隱世西餐小店。 座位不多，十至二十座左右。卡位為住。菜單簡約， Set Dinner 主打意粉類，各款扒類，魚扒等等。 二百來這個價錢已包括前菜/餐湯，主菜，甜品加一杯餐飲。 基本滿足了所有要求。份量亦足夠（男生可能差少少🤪）甜品不錯。 整體地方干淨，清閒。三兩知己傾偈聊天不錯。 此店晚上21：00關門，想試試的要早喔。

路經佐敦 ，來試試下午茶， 價錢非常合理， 魚柳薯條 飲品才50多元， 飲酒有歡樂時光買一送一 非常便宜， 老闆非常熱情 更送我們自製的花生魚仔， 非常體貼 ， 可以一試。