【尖沙咀高CP值鐵板燒🔥｜$398一人前盛宴！虎蝦由頭到腳都食得🦐】 今日獨食發掘到好嘢！Mikazuki呢個 豊 一人前鐵板餐($398)真心驚喜，坐吧枱仲可以睇師傅即場表演，夠晒過癮～ 前菜三小點好開胃，牛蒡、漬茄子、煙燻雞肉，煙燻雞肉最得我心～ 青木瓜沙律清新爽脆，正好為之後嘅濃味菜式鋪路！ 🐚鮮活帶子鋪喺菠菜上，淋上牛油清酒汁，香氣逼人！帶子鮮甜嫩滑，個汁撈埋菠菜食真係無得頂～ 👑🦐大虎蝦係全場焦點！師傅即場拆殼，將蝦腳煎到脆卜卜好似蝦餅咁，仲用蝦膏整成醬汁，蝦肉爽口彈牙到不得了～最正係連頭連腳全隻可食，儀式感滿分！ 🥚茶碗蒸有驚喜！面頭係鰹魚湯汁，底層有木耳絲，仲加咗黑松露油提升檔次，滑捋得嚟層次豐富！ 🇺🇸Prime肉眼薄燒卷包住雜菇，比起傳統蔥花更juicy～牛肉油脂香混合菇菌清新，創意同味道兼備！ 🍚鐵板炒飯炒到粒粒分明，雞蛋香氣十足～ 豆乳味噌湯豆香濃郁，幾特別！ 🍨升級焦糖多士為盛宴畫完美句號！師傅將麵包煎到金黃脆身，灑上日本砂糖做到焦糖效果，簡單材料顯功架～ 午市套餐有8折，晚市88折，以呢個質素真係算抵食！師傅手勢純熟，每道菜講解詳細～已經mark實下次帶朋友encore！

正好在酒店附近，无意中走到的一家店，吃完正好散步回去👍好食，下次还会再来！