漁師兄四季豆炒魚片飯，100分滿意！ 晚餐自己一個人食，隨意揀咗間叫漁師兄嘅餐廳，點咗四季豆炒鮮魚片飯($58)。講真，呢碟飯真係出乎意料地好味，完全值得打100分！ 食品部分 四季豆炒鮮魚片飯： 魚片煎得啱啱好，表面微微焦香，內裏仲保持嫩滑，魚肉鮮味十足，食得出夠新鮮。四季豆炒得爽口，每啖都有啲鹹香惹味，仲帶少少蒜香，成碟飯好夠味又唔過鹹，食到最後都仲想再嚟多碟！飯嘅份量亦啱啱好，吸到啲汁後特別惹味，真係好滿足。 ⭐食品評分：5/5（即100分！） 環境與服務 餐廳內部乾淨企理，氣氛簡單親切，晚餐時段人唔多，食得幾舒服。服務員態度幾好，出餐速度快，唔會等得好耐，呢個價位嚟講都算係加分位。 ⭐服務評分：4.5/5 總體感受 漁師兄嘅四季豆炒鮮魚片飯真係值回票價，味道鮮美、調味到位，魚同四季豆嘅配搭堅實在。$58可以食到呢碟咁有水準嘅晚餐，真係超值。如果下次再路過，一定會考慮試埋其他菜式！ ⭐總體評分：5/5

📍 漁師兄（元朗） 約爸爸食飯 兩父女一意撐枱腳食川菜~ 初頭以為呢度淨係得魚食 原來仲有好多四川美食 除咗酸菜魚之外仲有水煮牛 四川小食都好抵食性價比高💯 ✨ 酸菜魚米線 酸菜魚片配米線 份量十足 配菜有大豆芽，萵苣，土豆片，蓮藕片 全部都索哂湯汁 好入味•魚肉冇骨食落嫩滑 辣度叫左小辣岩岩好可以飲埋湯~ ✨ 水煮牛肉伴飯 牛肉質感彈牙、滑，湯底索哂水煮牛肉既味！ 水煮牛肉味道正宗，肉質易咬，辣得好過癮！ ✨紅西柚綠茶 新鮮粒粒既西柚肉配上綠茶，感覺十分清爽，整杯西柚味搭夠，夏日之選[爱心] ✨白桃味乳酸 有白桃既果肉，係我最愛[色] 仲有豐富既乳酸🥛 #美食博主#香港美食＃香港探店 #香港旅游攻略 #香港旅游好去处 #香港美食推荐 #漁師兄#元朗#元朗美食#食物名#食#hkig #ighk #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食#hkig #ighk

無味精鮮魚湯 & 串燒 經常都會幫襯漁師兄的魚湯米線！因為真係鮮魚湯，飲完唔會有食完味精個種口渴感覺！價錢都好抵食，另外佢既串燒都好好食，所以特登約左朋友一齊黎食烤魚！店內可以用QR Code 自己落單～ 🌟 $288 招牌烤魚麻辣味 今次揀左海鱸魚！肉厚嫩滑，湯底足料，一大盤上桌就魚香撲鼻，令人垂涎欲滴 ❣ 🌟 $36 燒茄子 燒得夠淋夠入味，我一個人可以食一條 🤣 🌟 $22 燒生蠔 生蠔比較細隻，但都好爽口冶味 🌟 $18 燒羊肉 羊肉唔會太蘇，又淋又入味，唔係好細粒個種！係有肉地的 🌟 $38紅糖糍粑 鍾意食煙韌野既人必點～！外脆內軟，食完覺得有Ｄ唔夠喉仲打包左一份走 🏠店名：漁師兄 Yue Si Hing 🚘地址：元朗元朗安寧路25號鴻運樓地下4號舖