柴灣新開左間麵包店，環境一眼睇哂，設有四個麵包櫃加一個蛋糕櫃。每個櫃大約有8款麵包，種類繁多，不過價錢唔算好平🙈一般菠蘿包、雞尾包$6/個，腸仔包就$8.5/個，仲有常見芝士條、提子包、肉鬆包、叉燒包等，有些有獨立包裝，可能怕餡料會漏哂出黎，都幾貼心👍🏻 行入少少就有迷你麵包系列，有紫薯包、迷你牛角包、墨西哥包、豆沙燒餅等，外型都好似幾討好😬買幾個仲會有平，數量都幾多，唔知係咪會keep住出爐 中間櫃應該就係放最受歡迎同大熱既麵包，竟然有布丁麵包同脆皮QQ波🥰出面排隊買至少都要等1個鐘，呢到唔洗排隊，不過數量唔太多，脆皮QQ波得返最後兩個，朱古力味就冇哂，仲有海苔同芝士味，$11/4個，價錢相宜，而布丁麵包同出面賣既一樣，都係$15/個，但係外型上就好大分別 布丁麵包｜$15 攞到返屋企仲係暖暖地，我將佢放入焗爐加熱先食，首先麵包外型唔太吸引[笑哭]切口位切得有點馬虎，唔夠圓同埋切得唔夠大，觀感上好似好少蛋漿咁，唔夠多同埋唔平滑😕切開都有少少流心狀，麵包同布丁比例一半一半，所以底部好厚，雖然包夠乾身同酥脆，但布丁唔夠滑溜，而且蛋香味較淡，吉士味過於濃，整體都幾甜，過口癮係可接受，但會唔會再買就未必 脆皮QQ波｜$11/4 一樣都係放入焗爐加熱先食，外層香脆，不過入面好綿密，meet開冇拉絲同煙韌既質感，好似冇左麻糬應有的空氣感🧐整體唔夠軟糯，味道一定係銅鑼灣個間好食，但呢到勝在唔洗排隊，街坊價錢就食到👍🏻