麻辣香锅🍲水煮鱼简直好吃得很！

同妈妈行完街，通常都系食日本菜，今晚带佢转吓口味，食川菜。 行到有D热，即刻叫杯冻饮。唔想饮冻柠茶咁普通，就可以试呢杯百香果柠檬茶 ($36)，有埋柑桔仔助攻，甜中带酸，清爽岩饮。 今餐就由我发办，有辣有唔辣，由大路款式开始。 喜爱莴荀嘅清爽度，来一客清炒莴荀丝 ($68)。切成丝容易一注夹起，味道清甜。 惹味之选就系呢客黄金虾球 ($138)，成碟有成8只虾球，几抵食。 虾球外披上一身炸浆，再淋上用咸蛋黄炒上嘅酱，咸香味满满; 虾球爽口，再饮啖冻饮，正呀喂。 压轴出场有金汤酸菜鱼 ($188)，辣度有得选择，呢客系小辣。唔少鱼相片浸于金汤内，顶上再有红辣椒及芫茜，颜色配搭惹人胃口。 鱼片无细骨，入口相当嫩滑。 另有酸菜，莴荀片，干菌，鲜菇及红薯粉，汤底酸辣度岩口味，用少少金汤捞饭都唔错。 妈妈想食甜品，就叫咗红糖糍粑 ($58) 比佢试吓。 两啖一条岩岩好，外脆内有糯米嘅软糯感，沾上红糖浆食，有人食到一条接一条，哈哈……. 呢餐川菜好合妈妈胃口，已经讲定下次想食咩菜式。

同friend喺旺角睇完戲，求其躝入砵蘭街想食辣野，發現呢間幾枱客枱面嘅餸菜份量都好大吓，完全啱晒我同個friend兩個超肚餓嘅狀態！ 🍲 自選五餸香鍋（香辣小辣） 我哋揀咗肥牛、五花腩片、脆毛肚、萵筍同鮮腐竹，最好食係肥牛！啲肉完全鞋好嫩口！五花腩咬落去油脂同麻辣味一齊爆出嚟。脆毛肚每塊都切到啱啱好，鮮腐竹亦都係必叫，海綿咁索晒的湯汁，最後叫咗萵筍片好似令到個香鍋健康啲，爽脆入味！平時食開譚仔三小叫小辣其實都好夠～ 🐟 麻辣魚皮 魚皮撈得勻循，伴紅蘿蔔絲同埋香葉，成件事好似冇咁邪惡，每塊都黐滿芝麻同辣汁，入口先係脆，跟住辣味慢慢滲出，送飯一流！ 🍋 金桔檸檬茶 杯野凍冰冰，飲落酸甜適中，仲見到幾嚿金桔肉沉喺杯底。最正係夠大杯，檸檬片夠多，飲完成個口即刻降溫，對付麻辣最啱晒。 🍍 百香果檸檬茶 熱帶果味爆棚，每啖都飲到百香果籽，咬落卜卜聲。甜度調得剛剛好，唔會死甜，食食吓香鍋可以解辣