我同契仔放工去咗諾士佛臺燒烤堂食串燒，成晚都好滿足。地方氣氛舒服，職員有禮貌又爽手，食物選擇多，質素穩定，啱晒放鬆心情。 我哋食咗以下幾款： 🍗 雞類 - 鹽燒三黃雞腿肉：肉質嫩滑，鹽香滲入，咬落去有肉汁 - 鹽燒雞皮：大塊又脆，鹽味啱啱好 - 鹽燒雞中翼：外皮香脆，肉汁豐富 - 燒雞心：煙韌有嚼勁，燒得啱啱好 🐮 牛類 - 牛舌拖羅：厚切彈牙，油香濃郁，灑上蔥花同鹽，鮮味突出 - 雞肉軟骨棒（配月見）：燒得香口，配埋蛋汁一齊食，滑溜又惹味 🦞 海鮮 - 雞皮墨魚滑：外脆內彈，墨魚滑鮮甜，雞皮香脆 - 蒜香牛油酒煮蜆：酒香撲鼻，蒜味濃郁，蜆肉鮮美 - 蒜蓉燒日本廣島蠔：蠔肥美，蒜蓉香氣十足，入口即化 🍢 創意料理 - 焦糖青蘋果鵝肝多士：鵝肝香滑，焦糖蘋果酸甜清爽，多士脆卜卜，冷熱交織 - 鹽燒豚肉荔枝卷：豚肉鹹香，荔枝清甜，口感有驚喜 🍍 甜品 - 蜜糖燒菠蘿：黑糖脆皮包住香甜菠蘿，酸甜平衡，凍食好清新 🥤 飲品 - Sapporo Premium Draft買一送一：冰凍啤酒配串燒，抵食又夠爽 - 即打芒果乳酸：芒果香濃，乳酸滑溜，甜度適中，飲完好滿足 整體嚟講，燒烤堂真係值得一試，食物有創意又好味，服務好，環境舒服。下次再去試埋其他款式。