位置：四会市政德大街嘅街铺，其实宜家有个再建设新楼盘万X汇（万都广场）侧门对面就係。 环境：装修方面就好似旧式沙县小吃咁，睇翻入面嘅环境就知道呢间店开咗有一段时间，卫生情况方面就麻麻哋，门口有台凳就冇店内咁焗，起码当日有啲自然风比较凉爽，感觉四会条街喥就比较多泥头车过，尘又比较多，冇垃圾桶嘅，好多垃圾都係随街丢，卫生情况有待改善。 服务：经过时已经有店员招呼，见到附近其实都有几间店係食快餐嘅，不过见到个LED招牌几闪就帮衬呢间，基本上俾咗前拣好送之后其他嘢都係由店员送到面前，服务方面还算可以。 13蚊自选快餐：可以拣3肉一菜，款式都算几多吓，翻係用个砵仔装住而且摞出嚟仲係热嘅，至于送菜方面味道一般，分量还算可以。 总体嚟讲：都算係四会市中心位置，附近有好多平房住宅，人流方面都算可以，13蚊嘅价钱又唔算贵嘅，填饱肚一餐半餐其实喺呢个地方都冇乜话太高要求，食完搞掂开工。