今日去咗荃湾海之恋，食东北菜，二楼位置有间老掌柜， 某啲位置仲可以向海。环境唔错。 今日叫咗几个小菜，都好满意。 🥢醉鸡 $78 份量足够， 鸡有浓郁嘅酒味，而且鸡肉好滑。系必叫之选。 🥢老醋海蜇头 $74 海哲嘅份量多到有惊喜，而且好爽脆。衬起陈醋青瓜好开胃。 🥢白菜炖豆腐 $78 啲菜好甜， 个汤清清地， 好好味。锺意食菜嘅就啱晒。 🥢京葱羊肉饺 $56 估唔到羊肉份量咁多。而且一啲都唔骚，反而好香羊肉味。 埋单人均只係 $158， 实属性价比高之选。 📍老掌柜东北菜馆 📪大河道100号海之恋商场2楼2006号舖 #荃湾美食 #荃湾东北菜 #老掌柜东北菜馆 #必食醉鸡 #老醋海蜇头 #京葱羊肉饺 #性价比高东北菜 #荃湾海之恋 #海之恋美食推介

今日去咗海之戀呢間 老掌櫃 食東北菜, 性價比真係好超高!價錢平之餘, 食物又有質素🥰 先講個白菜豬肉餃,有10隻，咬落去有嚼勁，餡料塞到滿一滿，白菜清甜夾埋豬肉好香口，點少少醋已經好正😋 跟住叫咗半隻北京填鴨，師傅片皮手勢唔錯，皮脆肉嫩，脂肪唔會過多, 用塊薄餅包住青瓜絲同甜麵醬，一啖咬落去，鴨油香同醬香撞埋一齊，滿足到暈[爱心] 個四川擔擔麵都有驚喜，麻醬勁濃郁，辣度啱啱好，仲有肉碎同花生碎增加口感，撈勻之後每條麵都掛到汁，食到停唔到口🥰 最後嗌咗高力豆沙做甜品，外層炸到鬆軟，入面豆沙餡熱辣辣又唔會死甜，幾岩我口味[吐舌] 呢餐夾埋都係三百蚊，真係好抵食👍