猪杂很新鲜

亲戚介绍的早餐店，大部队浩浩荡荡来到，肠粉都做唔切。 窝篮肠粉唔错，花生油真心香，豉油冇调过味咸咗啲。 正果云吞，皮够薄，有胡椒粉嘅味道。 亲戚话汤粉好食，试一个。粉爽，肉片好滑，腌得好好味。 仲有钵仔饭，唔醒起试埋添。

早餐店离住宿地好近…… 早餐店经营传统嘅粥、粉、面、饭。最惊讶嘅系居然早餐有钵仔饭（排骨钵仔饭、瘦肉钵仔饭），而且钵仔饭嘅价钱好平，六文一钵。我哋要左两钵排骨饭，米系丝苗米，饭面有几嚿排骨、豆角、酸豆角粒同炒花生，味道又好几好喔，认真抵食。 我哋十个人将早餐店嘅品种粥、粉、麵、饭全部都点咗嚟食。仲有个惊讶嘅就白粥係唔收钱任装。 肠粉系用窝蓝蒸出嚟嘅，入口香滑，好食。所以食完一碟觉得好食又再加一碟。 增城正果嘅云吞好出名，皮薄馅靓。但係可能食惯广州嘅鲜虾云吞，感觉佢啲云吞好一般。