餐廳位於觀塘，非常近apm，交通方便！最近仲推出咗呢個$788四人餐，真係非常抵食！ 重點係：兩位以上已經有燒鵝送！！！！今晚我哋四個人光顧，雖然只係例牌，但都係啖啖肉嘅位置，食得勁開心！ 所有菜式整體上都非常夠份量。 上湯焗海蝦伊麵~海蝦大大隻兼彈牙，伊麵軟硬適中。 什錦燒味拼盤~除咗海蜇之外，都係熱辣辣，叉燒唔會過肥，燒腩仔皮脆肉嫩 。 瑤柱海皇燉冬瓜環湯~真係可以每人飲到三碗，仲要超級鮮味同清甜。 招牌小炒王~夠曬鑊氣，海鮮份量算多。 清蒸沙巴龍躉仔~時間蒸到度啱啱好，都幾厚肉，懷疑是魚嘅豉油係特製，好香👍🏻 綠豆沙~唔會過甜，完全起曬沙，啖啖真材實料。

自选海虾生翅四人餐，份量惊喜！