朋友请食饭， 专程驱车来顺德勒流 百丈工业大道上嘅百丈蚝苑， 装修简单木枱木椅红台布， 朋友点咗两只走地鸡一条大头鱼 起片桑拿， 配菜系番薯丝瓜海鲜菇。 佢哋先将鸡骨倒落大煲煮滚， 然后放配菜摊平系蒸架上， 再将鸡肉摊开配菜上， 开到最猛火3500W 水滚后蒸五分钟左右 点姜葱丝花生油豉油食， 走地鸡够身， 起码六个月以上， 皮爽脆， 肉片起得比较均匀， 咬落有韧性弹牙， 肉汁浓郁， 花生油纯香， 最简单嘅食法保留食材原汁原味， 天然味道最鲜美！ 蒸鸡嘅肉汁渗落配菜上， 味道清甜又唔洗食太多油， 呢种食法值得学习！ 食完鸡肉， 饮啖香浓红枣杞子党参鸡汤， 美味又滋补！ 跟住换个大煲继续桑拿鱼， 铺上配菜， 摊平鱼片， 水滚后大概三分钟就可以食了， 鱼片厚薄均一， 鱼皮厚身弹牙， 鱼肉嫩滑， 好食到停唔到口！ 真系唔好意思啦啦啦😝