今日同幾個大小朋友一齊嚟到位於錦上路嘅富來休閒農莊，一入到嚟目測大概都有半個維園咁大嫁喎，有大型停車場，場內有呢個BBQ，有兒童遊樂場，有跳繩網，有釣魚，釣蝦撈金魚等等。。 入場嗰陣，仲有隻大龍蝦喺度招呼我哋[笑哭][笑哭][笑哭]，場地職員帶咗我哋入去之後，幫我哋開咗個爐，都真係熟手，唔使30秒就搞掂。場内每一張枱都會跟一個爐喺度，你可以選擇網燒或者用叉燒，而我哋就選擇咗網燒。 場內天花掛咗好多風扇，唔怪得成30度，都咁多人來燒嘢食啦，至少唔會好焗先，反正我哩啲大汗嘅，唔難受先啦！ 安排好所有嘢之後我哋就起動去拎嘢食啦。就咁睇兩個雪櫃都放咗好多嘢食，有基本嘅腸仔，燒賣，餐肉等等，仲有一啲醃製過嘅雞扒啊，牛扒啊，雞翼呀，多春魚等等。。。仲有一個雪櫃係放一啲蔬菜嘅。肉嘅種類都好多選擇，而且嗰雪櫃都好凍，炎炎夏日，醃汁有啲已經冰化狀態，所以食物有保證！ 小朋友除咗園內設施(電動車，喂動物，繩網，等等)玩之外，工作人員仲整咪泡泡俾啲小朋友玩，無錯，小朋友係真係鐘意嘅，都無30秒，成班小朋友就沖哂上去玩泡泡，大人都沖咪上去，不過就係幫小朋友影相，炎炎夏日玩泡泡玩到濕晒[笑哭][笑哭][笑哭]大小朋友都因為哩轉泡泡環節增添咗唔少樂趣。 玩完泡泡去咗釣蝦，啲大頭蝦好生猛，隻隻都晶瑩剔透，連佢蝦頭嗰啲膏都睇得一清二楚，釣完之後工作人員教我哋點樣穿蝦，然後拎去燒。即釣即燒嘅新鮮蝦食起上嚟真係唔同。蝦頭嗰啲蝦膏慢慢咁樣咇出嚟，連埋啲蝦膏一齊食爽口彈牙，蝦香味十足，真係要學肥姐講句:無得頂呀！ 哩個場令我感到有驚喜嘅地方係除咗男女洗手間同浴室外，佢仲有育嬰室同親子淋浴室。育嬰室雖然而家都比較普及，但係難免仲有好多嘅商場都係冇嘅，但係呢一個農莊竟然有，而且好乾淨，真係好方便嗰啲親子玩樂團，一家大細連BB都可以帶埋嚟一齊玩，唔需要擔心育嬰嘅問題。 因為佢有淋浴室，所以問咗啲工作人員，原來呢度嘅小型足球場可以做露營嘅地方，可以打釘果種，而且仲有小型冷氣機可以租借，對於我呢啲間中會露營嘅人，我都幾鍾意呢個場地，下次有機會都會選擇喺呢度露營，感受吓另外一種感覺。 收費其實都唔算貴，大人198長者158可以任食嘅情況底下，我覺得性價比都好高，可以有下次。 注:始終係野外地方，大家都係需要帶蚊怕水或者驅蚊之類嘅嘢。仲有，佢個雞扒真係好食。

富來休閒農莊 (元朗) 📍 元朗錦田水尾村 秋高氣爽，天氣轉涼係時係燒烤🍖。朋友話去位於元朗水尾村的 富來休閑農莊 ，貪佢有多元化活動同娛樂設施，啱曬一家大細同情侶👩🏽‍🤝‍👨🏼。 交通方式：元朗線至峻巒小巴🚐，再步行五分鐘/乘搭小巴601港鐵錦上路站 (C 出口)至水尾村，再步行五分鐘。當然可以自行揸車，呢到佔地面積大可提供免費🆓泊車。 呢到假日燒烤收費都係HKD 178成人、包一支水同一罐汽水，當然可以買其自家製的新鮮無糖雞骨草和白花蛇舌草。生津解渴，下火清熱。天氣凍仲有飲熱維他奶，暖下手腳[色]如果熱仲可以買雪糕同兒時回憶菠蘿🍍片冰。有專人幫手Set爐，可選擇用網或燒烤叉。 燒烤食品方面有多款肉類，蔬菜，丸類。醃肉，必食咖哩魷魚🦑，燒燒賣，外脆內軟，好味😋最正有齊曬牛油🧈，蒜蓉醬，自行製蒜蓉金菇都得。 大人燒緊野食時，小朋友可以自行去放電同玩。多款活動如免費足球⚽️、充氣迷宮、超大型飛行琪、另外也有收費項目，跳彈床、電動車（成人可用搖控制控制）、撈金魚、釣磁石玩具魚、飼餵小動物，區內有可愛羊仔同盾臂龜。 大人仲可以玩釣活蝦同魚，釣完之後可自行處理直接即席燒烤烹調🥘，新鮮熱辣！爽彈肉質而且好易釣，可以加粗鹽做基本調味，隻隻都爆曬膏，好正。 想要私癮度的可以包箱，冷氣VIP房可以打麻將🀄️同唱K，$1000/5 小時（細房）、$1500 /5 小時（大房），歡迎搞團體聚會🎈活動。 呢到仲可以露營⛺️，有曬全新裝修好的洗手淋浴間、有曬熱水淋浴露供應，吾洗帶太多東西來，仲有得租借帳篷，乾手淨腳，懶人必玩，二點入營，竪日一點離營。 總結： 一家大細親子好去處 情侶朋友聚會地方 佔地面積大 玩一日都吾夠玩 價錢合宜 #元朗#富來休閒農莊⛰️#露營#燒烤#唱K#包箱#釣蝦#釣魚#兒童遊樂區#電動車#搖控#免費足球⚽️#房外開放式設施#親子好去處

位於元朗錦田嘅 富來休閑農莊✨ ，絕對係假日一家大細嘅好去處，場內有不同設施啱晒大人小朋友，包括電動車、撈金魚、釣蝦、餵食小動物、波波池及其他遊戲等等，有咩項目十分豐富非常多選擇。👏 而且仲有夏日限定泡泡水池，小朋友可以帶定泳衣泳褲去玩水，啱晒炎炎夏日。每人入場收費只需要$80，非常抵玩。✨ 另外仲有非常大嘅燒烤場地大人可以一邊燒烤，小朋友一邊玩，約埋其他小朋友一齊開party開心好玩。🍀 富來休閒農莊 位置非常方便由元朗站坐車過去，只需要10分鐘內到達，仲有免費泊車位置，絕對係一家大細假日既好去處。🍦