来吃饭啦，第一次吃「椰子鸡煲」里面煮新鲜的椰肉，真的很好吃，但是不要煮太久了，太久了就影响口感啦「肥肠鸡煲」很香香，肥肠没什么杂味，鸡肉味道也很好，里面煮的青菜和竹笙都好好吃「白灼八爪鱼」口感Q弹还脆脆的，蘸着芥末和酱油吃就很不错[强]

2020年11月19日 星期四 今日去完柴灣training之後，就約咗我媽同姨媽一齊食飯，難得約到佢哋，當然要試新野啦，不過柴灣一向都係美食沙漠，唔算有好多餐廳，最後我哋去到市政大樓嘅熟食中心 一上到去都幾光猛，而且客人唔算太多，因為我哋六點已經去到，仲未到晚市高峰時段，枱與枱之間都有足夠嘅社交距離，衛生環境都唔錯 一見到餐廳個名以為係大排檔，點知睇完真係之後先發現原來係食泰國菜，仲有好多唔同嘅款式添，價錢都好平民化，夠晒貼地 點完菜之後等咗大約15分鐘，第一道菜冬陰功湯就送到，冇諗過會咁大煲，而且落足料，夠晒香，飲落去唔會太辣，不過辣味會慢慢湧上嚟，夠晒刺激，好啱食辣嘅人士，而且飲完之後唔會覺得口渴 之後有脆炸墨魚咀，份量都唔少，足夠三個人食，而且炸得好香脆，墨魚咀又有咬口 之後有鮮魷魚粉絲煲，粉絲吸收晒醬汁嘅味道，而且醬汁酸酸辣辣，所以越食越起勁同上癮，加埋魷魚好彈牙，呢個餸用嚟送飯一流 跟住有泰式酸辣炒蜆，同平時嘅豉汁炒蜆好唔同，呢個加入左酸辣醬代替豉汁，效果都好唔錯，同炒蜆好配合 最後有酸辣黃花魚，魚肉仍然保持嫩滑之餘，同辣椒都好夾，食落去又唔會覺得好辣，都幾易入口 冇諗過柴灣都可以食到咁高質素嘅泰國菜，一於下次叫多啲屋企人嚟encore先得