12月17号从巽寮湾参加冬泳活动返嚟，有泳友建议顺路去增城浸下淡水、游下增江河，跟着喺泳友带路下，嚟到咗何仙姑乡下小楼镇嘅白湖渡口，落水游咗约半个钟，起水之后，泳友带路过渡口对面小楼镇食街嘅“杨华饭店”食煲仔饭，有现成制作好嘅，仲可以即点即制，我点咗“鱼腩鸡肾黄骨鱼饭”，图一、二、三，准确来讲应该係“钵仔蒸饭”，味道几好，几新鲜，都係钟意食嘅嘢，仅20蚊，光盘。饮咗嘀二锅头。点咗之后至发觉可以点菜食，一齐嘅几个泳友点咗围餐，图四~八，后悔太早落单，否则一齐食几嗨皮，[微笑]对了，食完饭，行出来冇几远就係“何仙姑家庙”。