今日lunch就過個海搵friend食lunch聚一聚 佢話公司附近新開左一間又平又好食嘅餐廳 咁今日就一於嚟一試lunch time都幾多人下喎 真係好平 五六十蚊一個set，包餐湯包麵包仲有嘢飲 都幾抵食喎 個set包既湯同包一啲都唔曳 個湯係我最鐘意既粟米湯 個包微暖，搽左牛油點湯食，真係一流 蜜糖芥末煙肉安格斯牛肉漢堡$62 個醬好好食好啱我口味，同塊肉好夾塊肉 雖然唔係好正嗰啲，但絕對對得住價錢 個包都有烘過，整體嚟講都幾唔錯 帆立貝卡邦尼野菌意大利麵$55 朋友嗌嘅意粉，我就冇試到啦不過見好足料 飲品方面，我就揀左榛子特濃朱古力 +$20 朋友就揀左杯綠茶

星期六放工后约埋朋友去旺角行下街街😆由于早上无食到早餐，所以要去食个lunch先😉 之前系誉发广场食过野，记得呢栋大厦有好多餐厅，就过去睇下食咩好最后就简左5楼呢间The FOOD FACTORY ～ 店内看出去是旺角街道的景色，店内也有大大的投影机播电视📺 叫左1个lunch set和2个tea share 食 Lunch set既价钱唔系好贵，$49至$63不等...而且选择都多👍🏽仲有下午茶都可以简 Lunch set叫左👉🏽纽西兰牛肉眼扒配薯菜$63，酱汁有黄金蒜蓉汁或芝士汁呢两种拣😆芝士控嘅我梗系拣咗芝士汁啦🧀 果汁既芝士味浓，唔会好稀！块扒系无得选择几多成熟，不过煮得啱啱好，唔会话好生又唔会硬都食唔到...牛肉好大块，而且牛肉味都好出，lunch呢个价钱食到咁既扒，好抵呀👍🏽 👉🏽烟三文鱼芝士墨西哥馅饼🥙 $42 系外国既时候好钟意食墨西哥馅饼🥙，所以推荐俾朋友食呢个～ 入面有烟三文鱼、提子干、芝士，烟三文鱼既分量有好够，有提子干几特别。如果入面再加少少菜会更好😉 👉🏽挪威三文鱼班尼蛋拼盘 $59 蛋未熟晒，用刀刺一刺蛋黄就流左出黎🌊做到流心既效果😆上面的汁是芝士汁黎的 **喜欢每碟都会有啲沙律菜作拌碟** 饮品有好多选择，我左谂右谂🤔就简左👉🏽紫薯红豆ʟᴀᴛᴛᴇᴛ，因为见到隔离枱叫咗杯紫薯饮品好靓😆 上面是紫薯粉忌廉、中间是紫色的紫薯、而底果层就系红豆，层次好分明～ 好好饮呀！紫薯味🍠好浓，又唔会觉得甜到好 漏，除左有红豆外，原来仲有紫薯粒系入面，好有咬口又惊喜💗

工業風路線．地方新淨．旺角抵食午餐[强]🏻 說起旺角鬧市要找一間餐廳，好好跟朋友醫肚其實不難 反而，要找一間有主題特式、又好味道的餐廳可能花多眼亂好難下決定。剛好在油麻地地鐵站附近，餐廳名為【The FOOD FACTORY】，開業不久，今日即刻同朋友去試，上網睇過下餐牌，見到之後就心諗咁平既個Lunch？唔係咁抵呀？！ 目的地是位於旺角商廈內的樓上西餐廳。譽發廣場5樓。門面工業風，而入面設計都係走工業風路線，簡約自然，舒舒服服，地方新淨。仲要有一片式落地玻璃。亦有大大的投影機播電視。歐美風盡現。 我倆被安排坐到落地玻璃的旁邊，沒有被安排到面向窗外的高身座椅上用餐，很喜歡坐低窗邊的附近，因為可看到彌敦道一帶的街景和樓景，景觀真的很開揚。 呢間餐廳嘅午餐真係好抵食，$50-$60就食到一個扒餐、Burger等等，Lunch Set 2:30後入座全單8折仲抵食。每個餐仲有奉送餐湯、餐包同飲品，其實在旺角區黎講真係都幾抵食。 點了兩個Lunch Set，L4 + L11 先來餐湯、餐包，西餐湯作輕食餐，減輕腸胃的負擔。呢度忌廉雜菜湯味道平平，配上餐包，作為開端都有點吃得飽飽。 🔹L4 ：紐西蘭牛肉眼伴意大利黑醋沙律 $63 紐西蘭牛肉眼，大概5-6成熟，分量足，選配意大利黑醋代替了平時既洋葱燒汁戓黑椒汁，牛扒的生熟度都可以，肉質柔嫩，肉味及格，Lunch嚟計呢個價值真心性價比都高。 另外沙律方面紅茄經煎過後，好香又多汁，顏色鮮豔吸引，為這主菜加添了額外的分數。整體黑醋就比較屬甜，配肉眼又好沙律又好都好好食好夾。 🔹L11：黑松露野菌安格斯漢堡 $59 野菌爽口彈牙，配上黑松露的獨有芳香，是菇味大爆發啊！安格斯漢算是誠意之作吧！手打牛肉是名乎其實的結實、彈牙，厚身的牛肉切開時，肉汁緩緩流出，好吸引！ 每一口都能品嚐到松露獨特的香氣與牛肉的牛香仲配左薯角，脆薯角，味道普通，勝在新鮮炸起又大塊又多。 餐飲兩款分別是： 🔹紅豆抹茶鮮奶 抹茶的味道總令人難以抗拒，每次都會點有關抹茶的飲品，把它混入牛奶，再呷一口軟綿綿的奶泡。正！杯內有有三分一都係紅豆，好足料，紅豆本身有甜度，搭配上有點苦的抹茶，很剛好！好喝 。 🔹蘋果玫瑰普洱茶 普洱， 味道有回甘、 不『 削』 胃。 滿滿嘅一壺，飲落口普洱比較濃味，蘋果玫瑰要經過煮熱，其中的果香才會滲出，普洱與蘋果玫瑰產生甜美的味道，兩者平衡到，都岩岩好！ 以樓上Cafe來說，水準是相當不錯，食物的選材亦明顯花了心思，特別，性價比高，絕對值得一試。但餐廳在Lunch時間上有一點人手不足，加上當天人多比較嘈雜, 畢竟比較適合年青人或朋友聊聊天，可能下午茶時間來會更寫意更舒適。