【屯門工業風西餐廳-拾號公社】 這次來到位於屯門的拾號公社，是一間主打西餐的酒吧餐廳，菜式種類繁多，並提供多款本地手工啤酒、紅白酒、Cocktail等。餐廳裝潢走工業風風格，定期會在晚上舉辦Live Music ，很有氣氛。值得一讚的是店主殷勤有禮，充滿人情味，令人有賓至如歸的感覺。 火焰德國咸豬手配三色醬 火焰德國咸豬手，上枱時店主倒上酒，再燃點火焰，充滿陣陣焦香，視覺效果滿分。豬手外皮燒到很酥脆，味道鹹香，內裏經過兩小時低溫慢煮，肉質飽滿，味道多汁Juicy，另外配上三色醬，有黃芥末、Wasabi和茄汁，好惹味。 美酒盛宴拼盤 海鮮拼盤上枱時仙氣滿滿，很吸晴，海鮮種類豐富，有波士頓龍蝦、藍青口、翡翠螺、熟蝦、磯燒鮑魚等。波士頓龍蝦爽口彈牙，肉質鮮嫩，龍蝦有爆滿紅色膏，帶有鮮甜味和濃郁海鮮香氣；磯燒鮑魚，口感爽彈，充滿醬油和鮮味。 鵝肝多士 鵝肝油脂豐腴，入口即溶，搭配脆口的多士，口感豐富。最近在做$64/2件優惠，性價比高。 黃金流沙單骨雞翼或薯條 每條薯條也充滿濃厚鹹蛋黃香味，配啤酒一流，香脆的薯條令人忍不住吃完一條又一條，好邪惡。 Panda 心靈Cocktail系列，用熊貓公仔吃樹葉做裝飾，很可愛。Cocktail用上竹蔗水、菠蘿汁、蜜瓜酒、Vodka調製而成，味道可口清甜，容易入口，還可以清熱氣。

價格在屯門來說，不是在商場裡開的店，他們家算有點貴。 份量是可以的，湯的濃滑度不錯，薄餅都預備產品水平能接受啦。

📍拾號公社 (屯門) 聽朋友講哩間小店啲野食好好食 嚟到屯門就試試佢 果然真係冇失望🤩 ✨挪威煙三文魚凱撒沙律🥗 一嚟到嘅時候就覺得佢好靚🤩成個擺盤都好靚 要好多唔同種類嘅沙律菜 啲菜都好新鮮 唔會見到啲菜會好黃咁🙈 ✨卡邦尼蟹肉蟹籽意粉🍝 一嚟到都真係忍唔住嘩左一聲 真係好多蟹肉同蟹籽🤩🤩🤩個意粉就偏硬身 好啱我口味 好creamy 我同個朋友都食到汁都清埋🤤🤤 ✨芝士溶岩極上和牛漢堡🍔 個burger好大個 塊牛肉都好厚 佢仲要有好多唔同沙律菜 再加埋佢秘製嘅沙律醬 成個口感好豐富 最特別嘅係佢唔係配薯條 而係配薯寶 姐係薯餅仔 外脆內軟 好好食😋 ✨雞泡魚干🐡 第一次食雞泡魚干 幾特別 唔會太硬 甜甜地咁 係送酒一流嘅小食👍🏻 ✨Cocktail -- Sangria🍹 我哋聽到隔離枱嘅人話哩杯好飲 所以就同個frd叫嚟試下 不過我哋都唔係好飲酒嘅 所以就叫左少酒 不過啲酒同啲水果味都好夾 仲要啲蘋果同橙喺杯酒入面可以食 真係好似酒釀水果咁😋 ✨Mocktail -- Transformer🍹 我係比餐牌個樣吸引之後先會叫嘅 佢用芒果汁做base 之後再加蝶豆花茶 做到橙汁慢慢漸變到紫色真係好靚 兩個味都好夾 唔會話有一隻搶左另一隻嘅味 再加埋soda water 好爽😋 ✨牛角窩夫配雪糕🍨 佢有乾冰作伴 即刻令個甜品變得好夢幻 食埋個甜品令成餐飯變得好完滿🥰 店員姐姐都好好禮貌 笑容都好好 值得嘉許！🥰 🍱餐廳: 拾號公社 (屯門) 🏨地址: 屯門明藝街10號安全樓地舖 #西餐 #意粉 #漢堡 #mocktails #cocktails #屯門美食 #屯門 #香港 #香港美食 #美食推薦 #美食日記 #美食地圖 #美食地圖推薦