下午茶时间嚟到南丰纱厂2楼嘅 The Big Things noodles，对面仲有同名嘅室内游乐场，小朋友嚟放电，大人嚟食嘢倾偈就啱哂啦。而且餐厅设有儿童餐同竉物餐，一家大细带埋狗狗嚟食嘢，都无问题呀～ ✨吉列玉子烧三文治 🥪 吉列玉子烧三文治厚度十足，中间嘅玉子烧得又甜又香脆，而面层嘅面包脆卜卜之外，仲有牛油嘅香味，每啖都外脆内软，难怪咁受欢迎！😋 ✨章鱼烧 热焫焫嘅章鱼烧配埋上面嘅紫菜、木鱼丝同蛋黄酱，足料美味！如果有多两粒就好啦～🤤 ✨Iced Latte ✨Iced Mocha 下午茶又点少得饮咖啡，Latte 嘅奶味香醇，仲有咖啡香气。而Mocha嘅朱古力味突出，咖啡同样浓郁香滑。

差唔多每隔一兩個月都帶啤啤🐶去南豐紗廠，可以俾佢落地行，又可以一齊食野 今次就去咗呢間餐廳，對面係一個大型室內遊樂場，而餐廳好多座位，主打日式料理，包括丼飯、烏冬、咖哩飯、餃子🥟等～ 另外仲有寵物餐🐶，食得啤啤超開心😃 必食店長推介嘅 厚切生吉列玉子三文治🥪 熱辣辣🔥上，無論係外層多士定吉列玉子都十足酥脆，吉列皮亦好薄，玉子好香滑，蛋味香濃，每一啖都好幸福🥰 照燒牛肉丼飯 好多人都有點，面頭嘅流心蛋，流心又吸引，伴牛肉及飯食，增加滑溜度。佢地採用日本米，食落軟糯可口 章魚燒 小食好特別，小朋友應該好鍾意 自家製鮮粟米蓉湯 至於粟米🌽，有粒粒明顯嘅粟米蓉，好有口感，而且味道天然清淡，感覺好健康 The Big Things Party (荃灣) 荃灣白田壩街45號南豐紗廠2樓204號舖