很好吃，很地道，价格便宜，不错

半夜三更看起来好饿的感觉 这家居然在附近 有空去试试

今日某个亲戚生日，请食饭，话就喺佢屋企附近食，就係哩间富苑惠食佳~ 哩间嘢就喺山口园路边，差唔多到高铁桥底，好奇怪，佢喺租两间村屋嘅低层哩搞嘅，两间村屋仲要喺路嘅两边，而厨房就得一间，喺北面嗰间屋，我亲戚话落雨嗰阵攞餸过嚟南边嘅餐厅係揾人担遮揾人攞餸，几搞笑~ 哩间嘢个餐厅就係村屋嘅大厅咁，北面嘅村屋就1个大厅，好似有5张大台，南面嘅就係两个细厅，1个有1张台，独立厕所，另1个就有两张台，都有厕所，就餐环境一般啦，同大排档差唔多~ 好似冇乜工仔喺度，老板同老板娘自己喐手嘅，话啲工仔走晒翻去过年嘞，佢哋做到踢晒脚，嗌老板娘写菜都等咗几耐，仲谂住落单之后会等好耐啦，好彩唔係，原哩老板娘见忙嗌咗人嚟帮手，我哋点咗9个餸，总时间唔係好耐就上齐嘞，张台个转盘都摆唔晒先~ 讲下啲餸先：西洋菜鱼滑滚汤味道啱啱好，啖汤几好饮，西洋菜同鱼滑都唔错；莲藕焖猪肉入面莲藕焖得好粉，好入味，唔错，显得啲猪肉就一般嘞；铁板猪杂爆得几入味，辣味入咗啲猪杂度，好味又爽口；鱼香茄子煲gf话好食，不过漏，我就觉得唔係好够味，一般般；蒜香骨味唔错，不过口感差啲，感觉唔够爽口，过得去啦；碌鹅话係哩度嘅招牌菜，用个锑盘装嘅，几大盘，味道唔错，鹅肉好入味，又唔老，口感一流；蒸鲩鱼就鱼肉都算滑，味道过得去啦，整体不过不失咁；仲有个支竹金针菇火腩煲，支竹同金针菇都几入味，啲腩肉肥肉唔多，我几钟意，唔嚡，口感都几好；就係凉瓜炒豆豉鲮鱼唔掂，苦瓜係生炒嘅，几苦，而豆豉鲮鱼就冇乜几多，近乎得苦瓜，哩个餸比较失望... 哩餐饭我觉得整体几唔错，应该都唔会好贵，亲戚话到时过年过去探佢哋嘅话就嚟哩度嘎啦，我哋都觉得几好，毕竟性价比几高，相信以后我哋都仲会有机会嚟哩度食~