去啟德行街，或者睇演唱會前後想搵地方醫肚，都會諗到落九龍城。九龍城除咗泰菜，其實仲有選擇。今日同細佬落開九龍城，記得早排見上網有推介依間港式小炒，不如就試下佢，一坐低就黎左碗老黃瓜湯，唔係溝水嗰隻例湯，係阿媽嘅味道。 🦑 黃金鮮魷 炸得香脆，鹹蛋黃黏得均勻又夠香，唔會太油，咬落魷魚仲有彈性，唔係炸到乾晒嗰種。 🍖 秘製陳皮骨 骨肉分明，醬汁甜中帶微苦，陳皮係由肉質滲出黎，好開胃。 🔥 大城小炒皇 材料夠多：魷魚、腰果、銀魚、菜甫等等等人等，炒得夠鑊氣，唔係求其兜一兜，送酒一流。 🐟 酸菜魚 鱸魚片厚身唔會散哂，湯底酸香唔死鹹，仲有冬粉、豆卜，配料唔欺場。 🧊 冰鎮醉鮑魚（送） 南非鮑魚爽彈，酒香滲入，送都送得咁認真，勁有驚喜，又唔欺場大大隻。 🌶️ 食得辣嘅記得試佢哋辣椒油，香辣有層次，食得辣嘅係會幫你昇華多一級。 好多街坊一家大細咁黎食 ，就算無位都願意迫落張細枱度，絕對係一間食店好唔好食嘅指標。下次不防都試下港式小炒。見到佢黎仲有盆菜賣，啱哂黎緊中秋節🥮！ 📝大城小廚 📍九龍城福佬村道33-35號地舖 #九龍城美食 #大城小廚 #港式小炒 #黃金鮮魷 #陳皮骨 #酸菜魚 #醉鮑魚 #啟德睇Show #香港地道餐廳 #香港食評