沙田｜人氣米芝蓮泰菜 今日過嚟沙田影燈飾，順便食泰國菜，呢間泰國菜之前外賣食咗一次，食物質素非常好。今次堂食食物味道一樣好，而且服務態度都唔錯，睇得出職員好忙，但係都會記得顧客嘅要求。 晚市6:00開始，已經見到餐廳人山人海，大家都喺門口等待侍應接應。一坐低職員會擺上一份脆脆蝦片$15，入口好脆，充滿蝦味。 🦀招牌黃咖喱軟殼蟹 喺門口就已經見到呢個招牌咖哩好吸引，咖喱竟然落咗小小咸蛋黃同蛋！入口香甜又開胃🤤！完全冇辣味！軟殼蟹烤到金黃酥脆，無論配蒜蓉包抑或印度餅都一樣咁正！ 🍖珍寶火山排骨 勁大盆滿滿嘅肉，未食之前已經聞到酸辣嘅香味，即刻試咗啖湯，湯底用泰式醬汁集大量香料調製而成，酸酸地都幾辣下，但係好開胃🤤，味道層次豐富。份量超多，適合一大班人share。 🍤泰式粉絲炒大蝦$198 味道好夠鹹香，賣相都好吸引，粉絲雖然有啲碎，但係每一條都充滿大蝦🍤香味，入面仲有三隻大蝦，每隻都入口好彈牙，成個粉絲煲好足料，配料仲多過粉絲，肉碎同冬菇🍄‍🟫都好惹味。 🥗青木瓜鹹蛋沙律$98 勁大盤嘅沙律🥗，酸酸甜甜幾開胃，入面仲食到花生碎，有大量嘅青木瓜同埋少量嘅紅蘿蔔絲。 🥥椰子雞湯$128 之前飲呢個湯已經覺得好正，現場有火溫住咁樣飲更加keep住飲到鮮味，湯底充滿冬陰功嘅香味，但係又唔辣，飲到好濃郁嘅香茅味配椰子味，入面啲雞肉🍗都幾好食。 🥖蒜蓉包$38 蒜蓉包滿滿嘅蒜蓉，烘到好脆口 🍕印度薄餅$38 呢個要趁熱食，薄餅入口好煙韌，同埋都幾大塊 ☕️斑蘭龍眼蜜$38 用上新鮮嘅龍眼，夠晒滋潤。 🥥椰子沙冰$48 呢杯打卡必點，一見到張相就已經即刻覺得要點佢！沙冰都打到好幼細，入口充滿椰子嘅香。 🥭芒果糯米飯伴椰奶$78 飯後甜品必食，芒果都幾新鮮，糯米飯熱辣辣，充滿椰香嘅甜味。 ✏️有加一服務費 🔔想知更多美食資訊，快d follow我啦🔔 📍 Nara Thai Cuisine (新城市廣場一期) (沙田) 沙田沙田正街18-19號新城市廣場一期5樓507號舖 #泰國菜 #黃咖喱軟殼蟹 #火山排骨 #narathaicuisine #narathaihk #沙田新城市 #沙田 #沙田美食 #香港美食 #泰國菜 #香港生活 #香港必吃 #香港探店 #香港打卡 #香港

今晚吃了人套餐，味道不錯，特別是炒通菜和黃咖喱大蝦，芒果糯米飯也很好吃，會再來的

菜品很好吃，適合小孩，還有蝦片，很新鮮！