繼續蘭桂坊遊記，今站去到 Tokio Joe ！中環蘭桂坊地鋪，有格調新派日本菜，氣氛輕鬆，環境舒服，值得一試！ ➽ JOE'S SEARED SUSHI COMBO - 炙燒壽司盛合有多種精選，頂級油香下的炙燒吞拿魚腩，又香又嫩；炙燒和牛以及鮮嫩彈牙的炙燒三文魚和帆立貝，充分展現食材本身鮮美質感，用嘅醬汁恰到好處又突出了海產原有鮮甜滋味，令口感層次更豐富。 ➽ LKF ROLL - 蘭桂坊卷?! 將鮮甜熟透龍蝦肉、豐富海膽以及魚子醬融合，外層脆脆同內餡濃郁鮮美成強烈對比，店家自家調製特色醬汁更點睛，卷物同時集合了龍蝦彈牙及海膽香濃。 ➽ ASSORTED TEMPURA - 天婦羅盛合以時令蔬菜為主角，每一件都酥脆鬆軟，但又保留了食材原有自然甜味。大蝦肉彈牙，而蔬菜清脆爽口，為整盤天婦羅增添了唔同體驗。 ➽ KELP - GRILLED CHILEAN SEA BASS - 智利海鱸魚肉質細膩鮮嫩，經過烤製後表層微焦帶出了獨特的香氣，魚肉鮮甜。 ➽ Japanese Green Pepper - 日本青椒入口柔嫩，帶有淡淡的清香，配上恰到好處的鹹香滋味，作為前菜或下酒菜都很合適，一道簡單卻味道不簡單小吃。 ➽ JOE'S INANIWA NOODLES - 海鮮烏冬麵條Q彈，龍蝦湯底濃郁香氣同鮮甜滋味完美融合。配上肥美彈牙的車海老，整個湯麵層次口感都提升。

連碧咸都食過嘅中環老牌日料店😋 一直bookmark咗呢間位於蘭桂坊屹立咗近30年嘅日式料理餐廳，最近趁住朋友生日就一齊去試試佢！ 環境偏向日式懷舊風，嘢食新鮮好味，估唔到夜晚仲有魔術表演，最估唔到係原來碧咸都曾經係座上客🫢 ———————————————————————— 🌟 JOE'S TASTING MENU $1180/pax 我哋每人各嗌咗一份tasting menu，如果加多$380，仲可以配埋餐廳推薦嘅sake / cocktail pairing添～ ✨ CHEF'S APPETIZER 前菜係精緻嘅北海道海膽伴蟹肉，面頭仲有啲魚子，海膽同魚子都係偏重口味，食落味道濃郁，帶有鮮鹹嘅海水味😌 ✨ SASHIMI 第二道菜分別有迷你吞拿魚沙律、吞拿魚腩、油甘魚、磯煮鮑魚及炙燒左口魚。每份刺身都十分鮮甜飽滿，特別係吞拿魚腩，油脂分布均勻，每啖都好滿足😋 ✨ SUSHI 壽司有北海道海膽、火炙北海道帶子、深海池魚，仲有2款招牌Joe壽司——牛油果軟殼蟹卷同埋辣吞拿魚蓉炸壽司，最欣賞係呢款，皆因出面好少食到炸壽司，再加上吞拿魚蓉辣辣地，好開胃🤤 ✨ TEMPURA DUO 炸天婦羅分別有辣三文魚同比目魚，兩款皆用紫蘇葉包住，炸醬非常薄，食落好酥脆，同時又唔會過膩😌 ✨ A5 SAGA BEEF USUYAKI 以嚟自佐賀嘅A5和牛片，包住香蔥同蒜片，輕輕一烤就食得[害羞] 食落口油脂滿滿，牛味濃郁，又唔會太肥，好唔錯！ ✨ JOE'S INANIWA NOODLES 以花竹蝦天婦羅配上招牌龍蝦湯烏冬，呢個配搭絕對一流！花竹蝦大大隻，夠哂香脆可口，而烏冬滑溜，龍蝦湯亦夠哂濃郁，一啖接一啖😋 ✨ KYOTO MATCHA ICE CREAM 最後以時令水果同京都抹茶雪糕作結🤤 水果分別有西瓜、哈密瓜同提子，全部都好清甜；而抹茶雪糕香濃幼滑，仲撈咗少少朱古力碎落去，口感滿分！

【深受名人喜愛日料居酒屋-Tokio Joe 】 中環一向美食雲集，這次去了一家新派日式料理餐廳Tokio Joe，屹立蘭桂坊30年，主打American-style Suchi restaurant，亦是歷史悠久Omakase餐廳之一。餐廳深受不少歐美人士喜愛及光顧，連碧咸也是座上客之一。餐廳燈光昏暗柔和，甚有格調，而牆上浮世繪木雕壁畫是餐廳一大標誌。 \\t 這次晚餐選擇了Joe‘s Tasting Menu ($1180) \\t 前菜 日式漬蕃茄及海膽伴北海道蟹肉，很方便地用匙羹盛上。新鮮蕃茄配上日式沙律汁，感覺很Fresh，鮮甜的海膽配上北海道蟹肉，鮮味十足，加上咸香的魚子醬，鮮味瞬間提升。 \\t 刺身 刺身有大拖羅、吞拿魚腩刺身、油甘魚、迷你吞拿魚沙律、漬鮑魚、燒左口魚等。每款刺身也很新鮮，味道鮮甜，拖羅粉嫩肥美，味道甘甜，帶有豐富的油脂感，在口裏邊慢慢溶化，好幸福；油甘魚帶有魚油香氣，味道甘甜鮮美；漬鮑魚口感爽口彈牙，鮮香入味。 \\t 壽司 北海道海膽、深海池魚、火炙北海道帶子、另外有招牌Joe 壽司-吞拿魚蓉脆脆及牛油果炸軟殼蟹卷。北海道海膽入口即溶，海膽味道鮮甜；吞拿魚蓉脆脆壽司，魚蓉味道微辣，下面是炸飯團，口感酥脆，層次感豐富；牛油果炸軟殼蟹卷，牛油果香味濃郁，口感軟腍，配合香脆的軟殼蟹，層次豐富。 \\t 天婦羅 辣三文魚及比目魚天婦羅，兩款天婦羅好輕盈，味道酥脆香口，用上紫蘇葉去炸，不油膩，配上辣味沙律醬更香口。 \\t 佐賀和牛薄燒 肥美的佐賀A5和牛卷，和牛經過薄燒，肉味濃郁，肉汁豐富，入口即溶，內裏配上大量香葱蒜片，口感爽脆，很惹味。 \\t 龍蝦湯稻庭烏冬 稻庭烏冬口感細滑，麵條掛汁，招牌龍蝦湯底質感濃稠，啖啖充滿龍蝦鮮味，配上香蔥、花竹蝦天婦羅，口感酥脆。 \\t 京都抹茶雪糕 抹茶雪糕抹茶味道帶有回甘，口感Creamy，內有粒粒紅豆，口感豐富，配以時令蜜瓜、西瓜和提子，很滿足，為今次晚餐畫上完美句號。