接了肥髀去淘大商場，佢想食麥當勞，呢間地方大，疫情期間入場會探熱，快餐在自助機點餐，我想飲Mc Cafe咖啡，就在旁邊櫃檯落單，點了一杯熱Long Black，只有一位男店員，佢好快手沖好比我 Long Black(s size)喜歡見到是瓷杯，成杯咖啡即刻高分晒，不過抗疫期間，鐵匙轉了膠匙，我不落糖及奶，咖啡夠熱，味道微甘唔澀易入口（沒有酸味）解膩好好！ 男店員少言，不過好爽手，八達通比錢方便，比埋儲分卡（其實咁耐都未試過儲到一杯咖啡）如果用埋apps儲分會更便捷！

McCafe西尾抹茶系列 McCafe再推出西尾抹茶系列🍃，草根又要出動試試伏😆（話說仲未試新出嘅脆皮朱古力雪糕🍦🍫） 凍虎紋紅豆抹茶（大$33.5） Tiger Stripe Red Bean Matcha 未搞勻前係淡咪嘅抹茶豆奶，虎紋嚟自掛係杯身嘅紅豆蓉，搞左後味道會甜d，仲食到粒粒紅豆😋。餘韻的確有少少抹茶甘🍵，但唔會好濃，中意飲甜野嘅草根妹妹覺得都唔錯，飲落有d似紅豆冰[吐舌]，不過去到最後紅豆蓉會聚係底，會比較甜，用左維他奶去沖完全係小朋友口味👶🏻。 紅豆抹茶蛋糕層層疊（中/大杯飲品+$17） Red Bean Matcha Layer Cake 其實同之前McCafe其他口味嘅千層蛋糕冇分別，都係上面係cream同餅皮，最下層係薄薄嘅一層海綿蛋糕🍰。今次係抹茶味🍵，但唔多食得出，cream量唔少，食落唔會乾。蛋糕中間仲夾左d紅豆，但口感較乾粉，整體一般啦😌