同成班客戶開會都鍾意去呢間，第一位置多，第二冇咩客時唔會趕你埋單，方便傾多陣，第三嘢食唔錯，仲有自助椰子雞湯👍 呢度嘅海南雞同蝦片好正，我有時專門打包半隻雞返屋企食[笑哭] 同朋友嚟，2個share 2個餐➕1餸，可以食得豐富d👍

最近工作累到爆，决定同闺蜜去观塘试下隐世泰国小店，一出lift就见到淡黄色灯光同藤编装饰，好似瞬间飞咗去曼谷度假⛱️！环境唔会逼狭，坐得舒服，仲有啲波波灯饰啱晒打卡，果然系IG人气秘店💫 今次试咗性价比超高嘅2人套餐！泰式鲜虾青木瓜沙律开胃，木瓜丝脆脆弹牙，配四只大虾超鲜甜，酸辣酱汁唔会over，啖啖都提神醒脑，正好中和之后嘅重口味。小食拼盘系highlight，鸡猪串烧外脆内嫩，沙嗲酱花生香爆棚，虾饼弹牙到停唔到手；冬荫功汤海鲜版劲多料，酸辣适中唔会烧喉，海虾青口够份量。主菜脆皮猪手泰皇炒饭意外好味，猪手皮脆肉嫩，饭粒裹住椰香，食落去暖呼呼。三色芒果糯米饭收尾，蓝绿白米饭颜值高，芒果甜到心坎，配椰雪糕一啖就融化，甜度刚好唔腻。泰式奶茶热版少奶，茶底香滑顺喉，完美ending。 总括嚟讲，呢度唔系大牌泰菜，但正宗味加埋环境，食得出人情味，适合姐妹约会或小聚。整体食物有诚意，服务几nice，两个人食到捧住个肚走，系观塘返工族嘅小确幸呢💖

泰式味蕾之旅 今次同家人食泰国菜，餐厅名叫Add Some Thai，餐厅都装修得几靓，好多波波灯饰，每道菜都几满意，绝对会食过返寻味！ 泰式烧沙嗲鸡肉串烧 鸡肉烧得恰到好处，有微微炭香，肉质保持嫩滑。点上浓郁嘅沙嗲酱，花生嘅香气爆发！ 丝网香脆虾春卷 米网春卷皮金黄酥脆。入面系爽弹原只虾肉，鲜味突出。 泰式香茅鱼饼 系我嘅最爱，鱼饼弹牙充满香茅清香，微辣嘅味道非常开胃，一件接一件停唔到口！ 海南鸡（半只） 鸡皮爽滑，鸡肉已去骨，嫩滑得来带有啖啖鸡油香，重点系个酱，泰式汁酱将鸡肉嘅鲜味提升到另一个层次。 泰式菠萝炒饭配冬荫海鲜 摆盘相当吸引！饭粒分明，充满菠萝嘅果甜同肉松嘅咸香。最惊喜系旁边嘅冬荫功海鲜，汤底酸辣醒神，4只大虾、青口等海鲜份量十足，一个价钱两种享受！ 炭烧猪颈肉金边粉 绝对系Add Some Thai的诚意之作！炭烧猪颈肉份量足，边位带焦香，肉质爽脆，油香丰腴。金边粉炒得干身有镬气，捞匀旁边嘅辣椒粉、花生碎同青柠汁，非常正宗！ 泰式奶绿 热饮更能带出茶底嘅清香，奶滑顺喉，甜度适中，完美中和味蕾。 #手机食先 #美食博主 #香港美食 #香港探店 #香港旅游攻略 #香港旅游好去处 #观塘 #泰国菜 #AddSomeThai