今日同朋友第一次嚟到西湾河呢间Mint & Basil，位于SOHO区，望住海景，令人好放松！呢度有越南，泰式，同印度嘅嘢食，我哋叫咗劲多嘢食，超满足。 越式软壳蟹米纸卷 米纸透薄得嚟烟韧，咬落 咔嚓 一声，原只软壳蟹炸得酥脆唔油腻，夹住牛油果同青瓜，点埋芥末沙律酱，清新开胃！ 香炸蟹肉粟米饼 外层金黄，一咬开系满满丝丝蟹肉混甜粟米，蘸少少甜辣酱，咸香中带微甜。 炭烤香茅西冷牛肉 牛肉充满炭烤香气！切开粉嫩，香茅入味，肉质软淋有嚼劲。 蟹肉咖喱配蒜蓉包 超惊喜，咖喱椰奶香浓滑溜，蟹肉份量慷慨，蒜蓉包烘到脆卜卜，蘸满咖喱汁食简直邪恶到极点！ 甜猪肉虾膏炒饭 炒饭干身有镬气，虾膏咸香浓郁，甜猪肉加埋腊肠，味道层次丰富。 泰式虾河粉 河粉炒得爽滑，酸甜酱汁挂满每条粉，大虾爽弹，洒上碎花生同青柠汁，系正宗泰式风味。 Coconut Shake 椰子沙冰清甜冰凉，解腻一流！ Mint & Basil (西湾河) 西湾河鲤景湾太康街55号苏豪东A期地下GA04-07号铺 #香港美食 #香港必食 #香港探店 #香港打卡 #香港旅游 #香港必喝 #西湾河探店 #香港好去处 #Mint&Basil #西湾河美食 #东南亚菜 #软壳蟹米纸卷 #蟹肉咖喱

Happy Friday 趁住好天氣,當然要出去走走，食餐好嘅,呢日我哋去到鯉景灣，揀咗間主打 泰菜 同 越南料理 嘅餐廳 Mint & Basil ，好好享受一個慢活嘅星期六🌱 餐廳以半開放式設計，感覺好開掦，客人除咗可以喺餐廳享用美食，仲可以叫杯啤酒或者Cocktail同朋友吹吓水，好chill呀。 打開餐牌，食物嘅種類都唔少，我哋就叫咗個午餐再加咗幾款 #店員推介，試吓師傅嘅手勢 泰式生蝦 -  非常新鮮，入口前沾少少泰式酸辣汁零舍惹味 泰式蝦餅 -  蝦肉非常爽彈，口感唔會太油膩，師傅真係有一手 大蝦冬陰功湯 -  酸酸辣辣嘅口味係我嘅至愛，加上湯料豐富，配埋大蝦，味道好鮮甜 串燒沙嗲 - 豬牛雞樣樣都愛，搽上特製嘅沙嗲醬汁，別有一番風味 午市套餐 馬莎文燴牛肉咖喱 - 醬汁味道唔會太辣，不過就好香口，配埋白飯同炆得又淋又滑嘅牛肉一齊入口，好好味呀，跟餐仲有燒牛肉沙律 - 優質嘅牛肉配上新鮮嘅沙律菜，老闆真係抌本 另加$59叫咗個芒果糯米飯 - 椰奶加上糯米飯上，再配上香甜嘅芒果肉，正好為呢餐畫上完美嘅句號。  。最後要讚一讚餐廳員工都非常友善❤️‍🔥 難得假期，配上優質嘅環境同美食，確實賞心樂事

[米饭]口味：去到立刻叫個椰青解渴。蝦餅炸得非常入味彈牙。通菜也炒得很香。蟹肉奄列啖啖蟹肉，而且大份，絕不欺場。串燒叫了牛、豬、雞，每串份量很足，吃到走不動。 [薄荷]环境：舒適，對著開揚的海景 [服务铃]服务：優質 [糖果]性价比：高