性價比高出新招，牛肉海鮮鐵板燒 餐廳：圓鐵板燒 (旺角) 地址：旺角太子道西193號MOKO新世紀廣場3樓食代館 香港其實有唔少鐵板燒專門店♨️，而三間分店都開晒喺Food Court嘅圓鐵板燒就真喺絕無僅有，成為咗佢哋嘅Signature之一。除咗尖沙咀同大角咀嘅Food Court，今次我就去咗之前經過幾次、每次都坐滿晒人，而我一直都好想試嘅旺角新世紀廣場3樓食代館分店，原來唔經唔覺都喺到屹立咗7年[强] 店名寫住台式鐵板燒，不過感覺就同我平時食嘅日式鐵板燒差唔多🤣，唯一嘅喺有台式珍珠奶茶可以飲🧋。佢哋午市鐵板燒套餐最平$72就有，講真呢個咁平嘅價錢難怪吸引咗咁多人去幫襯🤓，而我今次就試咗佢哋新推出嘅全日 牛饌 套餐($738/2位) 呢個 牛饌 套餐包括： ✝️A5宮崎和牛(120g) ✝️澳洲和牛(120g) ✝️美國安格斯(120g) ✝️西京燒比目魚扒 ✝️牛油燒汁阿根廷紅蝦配雜菜 ✝️牛油香煎黑椒鮑魚 ✝️和牛炒飯/海鮮炒飯 ✝️鐵板炒時菜(油麥菜) ✝️餐湯(麵豉湯) ✝️伯爵茶/焦糖咖啡蛋糕 ✝️2杯特飲 /汽水 一個套餐可以試勻三個唔同國家、唔同質感嘅牛肉都幾正[色]，新鮮嘅牛扒為呢一餐締造咗一個好開始：美國安格斯嘅爽嫩咬口，澳洲和牛嘅軟腍同濃郁肉香，A5宮崎和牛脂肪比例高嘅豐腴牛脂香，三種口帶嚟截然不同嘅享受，配上黑椒、蒜粒同黑松露鹽，可以按個人口味去蘸唔同調味料🧂，總共360g嘅牛肉，2個人share就啱啱好 食完牛就到三款海鮮，勁大塊嘅西京燒比目魚扒加咗麵豉醬去燒，外焦脆內鮮嫩確實幾好食，不過個人嫌麵豉醬太多，有少少太鹹同埋蓋過原本比目魚已經有嘅鮮香🤏；佢哋嘅阿根廷紅蝦喺屬於刺身級別🦐，完整無缺嘅原隻大蝦先被預先剝走蝦身嘅殼，食得更加方便，入口有陣陣黑椒同牛油香🧈，雖然蝦肉唔算好爽彈，但勝在夠鮮甜，當然唔少得蝦頭豐富嘅蝦膏😋；鮑魚細細粒，爽口彈牙而且夠新鮮，一啲腥臭味都無😌 其實去到食炒飯嗰陣已經有少少飽嘅感覺，用咗魷魚🦑、蝦🦐、帶子，加埋香蔥、醬油同雞蛋去炒香🥚，海鮮都真喺幾足料，一啲都唔馬虎求其👏。最後食埋甜品——焦糖咖啡蛋糕，濃郁嘅焦糖咖啡香，加上上層厚實柔滑、下層鬆軟嘅蛋糕層，食完呢餐確實豐富滿足🥰

抵食性价比高铁板烧🥩🦐 食铁板烧一向都觉得好贵。呢一间位于food court入边嘅铁板烧真系性价比高，而且佢食材新鲜，所以相当抵食！ 我哋拣咗个二人餐 牛馔 $738 牛の盛合：A5宫崎和牛、澳洲和牛、美国安格斯 西京烧比目鱼扒、牛油烧汁阿根廷红虾配杂菜、牛油香煎黑椒鲍鱼、和牛炒饭、铁板炒时菜、餐汤、伯爵茶/焦糖咖啡蛋糕、2杯特饮／汽水。 呢个套餐相当丰富，点完餐好快就有餐汤同埋炒菜。第一道菜系比目鱼扒，鱼扒非常厚身，而且师傅慢慢煎煎到外面金黄，入边肉质又够嫩滑。之后就到最期待嘅牛。牛摆盘好靓，而且用牌分辨左唔同嘅牛种俾你。配：黑椒、蒜粒、黑松露盐。宫崎和牛油脂最多，最juicy。澳洲和牛亦都好好味，肉质够腍。美国安格斯牛牛味够香。三种牛都好好食。海鲜有四只，阿根廷红虾及两只鲍鱼。虾新鲜爽口，鲍鱼肉质亦都爽口。最后到和牛炒饭，和牛一粒粒，炒饭炒得几香！甜品系伯爵茶焦糖咖啡蛋糕，食到捧腹走。

大食代抵食台式鐵板燒 有時候食鐵板燒往往感覺會好貴，今次介紹一間係奧海城大食代入面一間台式鐵板燒，價錢由平到貴任君選擇，最緊要即鐵板燒即上菜，夠熱夠曬鑊氣！ 今次選擇左餐廳最貴既餐點 #牛饌 Beef Deluxe 2人前 $738 #牛之盛盒 A5宮崎和牛 120g、澳洲和牛 120g、美國安格斯 120g 一次過食足3種唔同國家既牛肉，可以作少少比較，個人覺得宮崎和牛比較優勝，肉質鬆嫩又多汁；美國和牛牛味香夠韌；澳洲脂肪比例平均。 #西京燒比目魚扒 大大塊鐵板燒高溫令魚油香味十足，味道較為鮮甜。 #牛油燒汁阿根廷紅蝦配雜菜 紅蝦蝦頭非常多蝦膏，大隻蝦肉彈牙有咬口。 #牛油香煎黑椒鮑魚 原隻鮑魚連殼燒，鐵板燒完溫度剛剛好，鮑魚爽口彈牙。 #和牛炒飯 簡單雞蛋、和牛炒出鑊氣十足既飯，師傅仲講鐵板燒炒飯炒到乾身就會每粒飯都識跳舞，一彈跳上碟最好食！ #鐵板炒時菜 蒜蓉粒鐵板油麥菜，Starter夠曬健康！ 呢個餐仲有餐湯、伯爵茶/焦糖咖啡蛋糕、2杯台式特飲(珍珠奶茶)！ 整體黎講呢個餐超級滿足，3個人食呢個2人餐都夠飽，仲有其他套餐可以選擇，一個人食最平$90起都食到好味熱辣辣鐵板，仲可以睇住師傅係你面前為你烹調，值得Book位黎食！ #圓鐵板燒 📍大角咀海庭道18號奧海城二期1樓大食代 (旺角、尖沙咀、淺水灣都有分店) #mroolong #foodieoolong #foodie #hkig #hkfoodie #hkfoodstagram #hkfoodblogger #hkfood #foodiehk #life #foodiegram #foodpic #travelhk #本地遊 #香港美食 #奧運美食 #奧海城美食 #旺角美食 #尖沙咀美食 #淺水灣美食 #台式鐵板燒 #鐵板燒