谷友介绍过呢间米线好食，黎试下又真系好食喎，谂住再帮衬点知已经无机会，做埋圣诞就结业啦，惨 平日下午茶黎都超多人，要去到三点半後先静返啲，等左好一阵先有枱，入坐後快快落单等食啦。 店内筷子全部色彩缤纷，呢个好吸睛。 叫左白菜饺子+芫荽麻辣米线，但个芫荽漏左，变成另上… 饮品系叫杏仁茶嘅，但黎左杯柠茶？点睇都似系柠茶，问下店员佢话无错枱号，咁是但照饮啦，返正无乜所谓，点知饮落系蜜桃茶加柠底黎，意外地好饮喎。 白菜饺子麻辣米线，谷友讲到好多餸，但点睇都系得两只饺子，不过只饺子几好食，仲系我锺意个种劲厚皮多菜少肉款，厚皮饺子真系好好味㗎，点解无人认同？ 麻辣汤底不麻带酸味，少少辣又有鲜味，虽然唔系我预期嘅口味，但呢个酸酸的少麻少辣又几正，唔觉唔觉又饮左大半碗汤。米线吸饱汤汁发到好大碗，食极都有无限增生咁样。 餐牌，除左米线仲有不少小食选择。饮品劲多野拣，下午茶平几蚊。 今餐叫嘅野好似全部都黎错咁，但意外惊喜就系咁黎啦，错有错着几好味，哈哈。

和朋友行完街之後，找地方食少少嘢，朋友話這間店的米線味道都挺好的，我們就決定去醫肚先，我們叫了兩碗米線都有辣腩肉，再加其他配料，湯底味道濃厚而且辣腩肉都好味呀！另外再叫了炸餃子併沙律，炸餃子相對比較硬，沙律就普通啦，反而奶茶紅豆冰味道不錯👍🏻

熱拌米缐，淡而無味，超贵，小小一碗46元。 米線係對一種雲南嘢食嘅稱呼，其他地方出產嘅同樣食品有時都叫米粉，不過做法唔同；有啲時候米線同米粉係唔相同嘅，米線一般較粗，而米粉就較幼。 大熱天時，冷氣壞的，食得辛苦。 待應十問九唔理，不知所谓！ 近幾個月來在元朗吃過最差的午餐及最差的食店！ 绝對唔會再食！！！！！！