好耐冇同老公撐枱腳，知佢鐘意食海鮮，所以今次就book 左呢間 🐠小漁港海鮮舫🐟 鮮蒸‧鮮味火鍋 🍲 今次訂左2人份嘅海鮮餐， 海鮮品種又多又新鮮！ 一嚟已經有一大盤海鮮刺身，大大粒帶子、 筆記簿、三文魚、吞拿魚，希靈魚… 厚切新鮮啖啖肉！ 再嚟一籃小食， 避風塘炸豬手！ 話就話小食，真實際係超大碟， 豬手炸到外皮脆卜卜，肉嫩，膠原滿滿. 勁好食😋 主角當然係蒸鍋啦！ 蒸鍋底一開始就放左米同新鮮蟹蓋🦀 肉蟹、海蝦、帶子、鮑魚、仲有馬友！ 馬友超嫩滑，啖啖肉，入口滿滿油香，估唔到咁好食！ 肉蟹好蟹糕！ 肉質勁鮮甜！ 食得出係超新鮮！ 帶子好巨型，蒸完仲有少少痴殼，證明係新鮮，原裝鮮帶子[笑哭][笑哭] 鮑魚厚肉彈牙又鮮味！ 時間蒸得剛剛好，唔會硬，好正[色] 食完海鮮仲有盤蒸雞 ，有南瓜，粟米，烏冬。 烏冬墊底，吸晒啲汁，超入味，不過實在太飽食唔落[笑哭] 仲要留肚食重點海鮮粥！ 呢個充滿海鮮精華嘅海鮮粥，真係無敵正！ 粥底吸晒海鮮精華，鮮甜無比。而且粥底夠綿滑，但仲保留到少少粒粒嘅口感。唔係果啲打到爛晒。口感豐富好多！ [色][色] 店員好細心，每種唔同海鮮分開蒸，時間蒸得啱啱好！ 配合咁新鮮嘅海鮮，真係一滴醬汁都唔洗點已經超鮮甜好味道[色] 呢一餐連老公都超滿意！ 終於唔洗俾佢話我刻薄佢啦[笑哭][笑哭][笑哭]