【酒仙醉雞卷 $62】 肉嫩滑皮薄 花雕酒香濃撲鼻 配埋杞子一粒帶甜提鮮 【招牌鹵水鵝 $99（跟餐價）】 同樣肉滑皮薄只帶小脂肪 有鵝香之餘不會太膩👍🏻 鹵水尚入味同時不覆蓋鵝香～ 【燻蹄併海蜇 $79 （跟餐價）】 燻蹄薄片易入口不鞋口😲 配酸辣汁好開胃食唔停[笑哭] 海蜇較清新爽口彈牙 如果海蜇多返啲仲正😆

鹵家 教育路68號兆豐樓地下10及14號舖 元朗呢間鹵家，我哋經常都會經過。 今日終於有機會入去試吓。 店鋪唔算大，但係都算乾淨，舒服。 侍應服務態度好好，好有笑容。 我哋坐咗上座位之後，佢為我哋介紹咗二人套餐。 住家老火湯 非常足料，有佛手瓜，青紅蘿蔔，豬肉等等，湯味好濃，一啲都唔係溝稀咗嘅例湯，亦感覺唔到有味精。 話梅涼瓜片 侍應話唔好睇少呢個簡單嘅菜。 其實，製作方法非常複雜，又有好多嘅步驟，我相信都係嘅，因為食落去真係好好味，絕對係用心之作。 燒味 叉燒同埋頭抽豉油雞，睇個樣都知靚，食落亦都非常好味。肥瘦程度剛剛好。 鮑汁雞腳 估唔到一碟少少嘅小食，意外地好味，佢醃得好入味，咬落好香口。 好容易食完一隻又一隻。 總體嚟講，我會覺得呢一間係有誠意嘅良心小店， 用心製作，味道可口，價錢亦唔貴，服務態度良好。 #thelufamily2016 #鹵家 #元朗 #元朗美食 #燒味 #鹵味 #老火湯

平時冇入過呢間舖頭，今日見到個下午茶好似幾抵食就走咗入去$39叫梅子燒鴨米線味道正常，但價錢都可以飲品加$5如果不是下午茶的話就比較貴，所以都係食下午茶因為好多燒味飯價錢都好便宜當然你會話質數唔同，但係現在已經不同以前你除非去高級餐廳你去茶餐廳的話都係吃返普通質素